WAHYU 21:8 - Alkitab Singog In Mongondow Masa In Tanaa

⁸ Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 21:8 Iomraidhean Croise

AMSAL 19:5

Intau inta monguboḷ kon pongadilan, diábí moisimparut kon hukuman.

AMSAL 19:9

Intau inta monguboḷ kon pongadilan notantú bidon kon hukumon bo yopúon.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

MATIUS 10:28

Bo donaaibí moondok kon i monia inta moḻimod kon awak, táe diá inogoian in kawasa morabut kon nyawa. Kotoguondokbí kon i Allah inta kokawasa moḻimod kon awak bo morabut kon nyawa kon bonu in naraka.

MATIUS 25:25

Tuamai akuoi in moondok dá doit buḷawan toribu inta inogoi i tuang kon inakó binayáku iḷobong kon butá! Bo naa, pobuionkudon bui in kapunyaan i Tuang.’

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MARKUS 9:44

Kon tampat tatua uḷodnea mita in diábí matoi bo tuḷúnea in diábí kopiongan.]

YOHANES 8:44

Ibilisbí in ki amámu, bo moiko in moibog dumudui kon ibog i amámu tatua. Nongkon pinomangkoianpabímai Ibilis tua moḷoḻimod. Doíbí in sia kon onu inta moitutui, sin diábí in moitutui kon inia. Aka sia bo monguboḷ yo biasabí intua, sin natuabí in sipatnea. Sia mouboḷ bo pangkoi in bayongan uboḷ.

ULANGAN 20:8

Porwira mita in musti doman moguman nanaa kon inimu, ‘Oyúon degá in kon sigad monimu nion in mouyot bo moondok? Aka oyúon, motaaubí in sia mobui, sinbá sia in diá mokoponag kon gina in intau ibanea moparang.’

TESALONIKA 2 2:9

Intau moraat tatua in mamangoi takin kawasa moḷoben nongkon Ibilis. Intau tatua in mogaid doman kon bayongan oaidan inta mokoherang bo inta mongotoyang táe nopuḻing in uboḷ.

TIMOTIUS 1 4:2

totundú mita tatua inta pinotaau i intau mita inta mongo munapik bo mongouboḷ. Gina in intau mita tatua ain nosindip.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

IBRANI 12:24

Moiko in namangoi sinumayow kon i Yesus, tonsigad in dodandian inta mobagu tua; moiko in sinumayow kon dugú pinomisik inta nojamin kon soaḷ mita inta mopia-pia nongkon onu inta jinamin in dugú i Habel.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

YOHANES 1 2:22

Ki ine in mouboḷ tua, tantú intaubí inta noguman kon ki Yesus tua in deemanbí Datu Mopoposaḷamat inta pinodandi i Allah. Mosia tua in Saturu i Kristus, sin diábí akuonnea in ki Amá andeka Adí.

YOHANES 1 3:15

Intau inta mosaturu kon i utatnea in intaubí moḷoḻimod, bo kinotaauanbí monimu kon intau moḷoḻimod in diábí mokouḻí kon kobiagan mopia bo mononoi.

YOHANES 1 5:10

Tuamai, intau inta mopirisaya kon i Adí i Allah ain notarima kon kosakusian tatua kon bonu in ginanea; táe intau inta diá mopirisaya kon i Allah, inanggapnea in ki Allah tua in mouboḷ, sin diá in sia mopirisaya kon onu inta pinoguman i Allah soaḷ ki Adí-Nea.

WAHYU 14:10

yo intau tatua monginum kon anggur i Allah, tuata in torú-Nea inta ain inaḻin-Nea kon bonu in tampat-Nea, bo diábí ginaatan topiḻikpamai! Intau mita tatua in toko sikisaan kon bonu in tuḷu bo balerang kon tayowon in malaekat mita motusi bo kon tayowon Adí in Domba tatua.

WAHYU 19:20

Mahaḷuk tatua in kinodomokan takin intau mita inta morongaku nabi táe deemanbí totuu nabi inta ain norogaid kon soaḷ mita inta mokoherang kon tayowon mahaḷuk tatua. (Takin aid mita monia inta mokoherang tatua, mosia nonguboḷ kon i monia inta ain notarima kon tanda in mahaḷuk tatua bo inta ain nosumba kon patongnea.) Bo mahaḷuk tatua takin intau mita inta deeman totuu nabi tumpaḷa pinogambat kon bonu in tuḷu moḷoben inta kodoko-dokot takin balerang.

WAHYU 2:11

Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”

WAHYU 2:2

Kinotaauan-Kubí onu inaidan monimu. Moiko in morajing totok in mogaid bo totok doman mosabar. Kinotaauan-Kubí doman kon kinodoíbí monimu in mosia inta moraat. Bo intau mita inta dumuí rasul bokaka deemanbí totuu rasul, aindon inuji monimu bo kinokadapatan monimu kon mosia tua in intaubí mita inta mongouboḷ.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.

WAHYU 9:17

Bo inontongku doman kon bonu in oontongon tatua in kabaḷo mita takin intau mita inta sinumakoi. Intau mita inta sinumakoi kon kabaḷo tatua in nogiḷambung in ḷambung uatoi inta ná kopura in tuḷu in batangannea, nobidu ná batu nilam bo nodarag ná balerang. Uḷu in kabaḷo mita tatua in naonda bo uḷu in singa, bo nongkon bibignea ḷumuai in tuḷu, poyok bo balerang.

WAHYU 9:21

Mosia in diápa doman mogogai in moḻimod, monggaing, mogaid kon inta diá patus aidan bo monakow.

HAKIM MITA 7:3

Dá, potaaudon kon intaumu mita, ‘Ki ine in moondok, yo musti ḷagi monaḷámai kon Buḷud in Gilead tanaa bo mobui kon baḷoinea.’ ” Dá 22.000 intau in nobui; bo tongádon 10.000 in kon tua.