WAHYU 21:6 - Alkitab Singog In Mongondow Masa In Tanaa

⁶ Bo Sia in noguman, “Komintandon nobaḻí! Akuoi naa in ki Alpa bo ki Omega, ki Inta muna-munamai bo ki Inta tumi-tumimai, Akuoibí naa in ki Tuhan nongkon pinomangkoian nodapot in pangabisan. Intau inta moyogang in poinumon-Ku, bo tongábí ogoi pomorosen nongkon bokaká inta mobogoi in kobiagan.

WAHYU 21:6 Iomraidhean Croise

MAZMUR 36:9

Mosia in moorop in kaanon mobarong kon Baḷoi-Mu, takin oinumon nongkon ongkag-Mu inta mokoguḻí kon yogang.

YESAYA 12:3

Naonda bo tubig motumping mokoguḻí kon rogang in intau, natuata in moiko in moposanang kon gina, popisí in pinosaḷamat i Allah.”

YEREMIA 2:13

Umat-Ku ain nogaid kon doyowa norupa in dosa: mosia in nonoḻikud kon i-Nakó, bokaká in tubig mobogoi in kobiagan kon intau; mosia in nogaid kon tabang noḷombang inta diá mokosion kon tubignea.”

HOSEA 14:4

Asyur in diábí mokoposaḷamat kon inami, bo kabaḷo in parang diábí mokotuḷung kon inami. Kami in diá bidon moguman kon patong mita inta pinomia nami tontaní kon mosia in ki Allah nami. O Tuhan, Iko in notabi kon intau mita inta diá in ibanea mako inta motaau pongata monia.”

YOËL 3:18

Kon singgai tatua buḷud mita in mopuḻingbidon in gobá in anggur. Bobiagon mita in mokaan bidon kon bonok kon tombuḷud mita inta moḷumbá. Ongkag mita kon Yohuda diábí kon dodai in onda in modait in tubignea. Ongkag tobatú in moiḻigbí nongkon Baḷoi Tuhan, bo mopomuntad in tubig moonow kon Ḷopá in Akasia.

YOHANES 4:10

Ki Yesus in notubag, “Aka kuma bo kinotaauanmu in totabi i Allah bo kinotaauanmu in ki ine in noigum kon inumon kon inimu, yo nopasti bidon kon iko tontaní in moigumbí kon tubig inumon kon i-Nia tua. Bo ogoian-Neabí iko in tubig kobiagan tatua.”

YOHANES 4:11

Dá bobay tatua in noguman doman, “Diá in totayuk i Tuang bo nodaḷom totok in parigí tanaa. Kon ondabí in kouḻían i Tuang kon tubig inta mokobiag tua?

YOHANES 4:14

táe intau inta monginum kon tubig ogoi-Ku in diá bidon moyoga-yogang, sin tubig inta ogoi-Ku kon inia in mobaḻí bidon bokaká kon bonu in awaknea, bo umuran ḷumuai bo mobogoi in kobiagan mononoi.”

SURAT I PAULUS KON JAMAAT RUM 3:24

Tongábí popisí in totabi i Allah inta pinomorosen-Nea, dá hubungan in intau bo i Allah in motompiadon bui; caranea kon tua intau pinobebasdon i Kristus Yesus.

SURAT I PAULUS KON JAMAAT RUM 8:32

Ki Adí-Nea tontaní in diá bidon irekeng-Neamai, táe pinosarakan-Neadon sin kopontingan naton komintan; yo diábí kumaan kon akaḷ aka kita diá ogoian in bayongan yagi-yagi?

KORINTUS 1 2:12

Kita in diábí inogoian roho inta nongkon dunia naa, táe Rohobí inta nongkon i Allah, sinbá kotaauan naton in bayongan inta pinonotabi i Allah kon i naton.

KORINTUS 1 3:12

Taau bidon kon tobatú bo tobatú mongo bangunan naonda in posindogonnea. Bangunan inta inaidanka nongkon buḷawan, andeka inaidan nongkon saḷaka, andeka nongkon batu permata, andeka nongkon kayu, andeka nongkon bonok noingkag, andeka nongkon pangkoi in payoi.

KORINTUS 1 3:21

Tuamai in dikabí moduí kon intau, sin bayongan yagi-yagi in nodait bidon inogoi kon i monimu.

KORINTUS 1 3:5

Sabanarnea ki inebí in ki Apolos andeka ki Paulus tua? Bá kotaauan monimu, kami naa in tongábí intau mita inta nogaid kon oaidan i Allah inta mopoyaput in Habar Mopia kon i monimu sinbá mopirisayadon in moiko kon i Kristus. Kami naa in tongábí mopobayá in oaidan inta pinoki aid i Tuhan kon inami.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

WAHYU 10:6

Sia in nongibot pinodoyon kon tangoi i Allah inta diá mato-matoi bo inta ain nomia kon ḷangit bo butá, dagat bo bayongan in tombonunea. Malaekat tatua in noguman, “Wakutunea in diá bidon sorongon bui!

WAHYU 16:17

Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 22:13

Akuoibí naa inta muna bo inta pangabisan, Akuoibí in ki Tuhan nongkon pinomangkoian nodapot kon pangabisan.”

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

WAHYU 7:17

Sin ki Adí in Domba inta iḻimitú kon tampat pomomarentaan tatua in mobaḻí gombala monia, bo diaan-Nea in mosia mayá kon bokaká in tubig inta mokobiag. Bo inggamáandon i Allah in bayongan ḷuá kon mata monia.”