WAHYU 21:2 - Alkitab Singog In Mongondow Masa In Tanaa

² Dá akuoi in nokoontong kon kotá motusi tatua, tuata in Yerusalem inta mobagu, noponag nongkon soroga i Allah. Kotá tatua in pinosadia naonda bo nonikaan bobay inta pinakeangan sin mokipodungkuḷdon kon nonikaan ḷoḷaki.

WAHYU 21:2 Iomraidhean Croise

MAZMUR 87:3

Indongogaidon, ei kotá i Allah, soaḷ mita inta momulia siningog-Nea soaḷ iko:

YESAYA 1:21

Kotá inta koḻipod motoindudui, tanaa mako in nádon onda bo sundaḷ tobatú! Dungkuḷmai bayongan in intaunea in moadil bo mojujur, táe tanaa in pinogutunandon in moḷoḻimod mita.

YESAYA 52:1

Pobangondon, ei Yerusalem, pobangondon! Korigon in ginamu! Paké in ḷambung kahoromatanmu! Ei Yerusalem, kotá inta motusi, intau nonajis in diá bidon tumuot mongin bonawangmu.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

YEREMIA 31:23

Ki Tuhan Inta Totok in mokawasa, Allah in Israel in noguman, “Aka umat-Ku binaḻí-Kudon ponango-nangoian ná dungkuḷmai, dá kon butá in Yohuda bo kon ḻipúnea mita yo kodongogandon bui intau in moguman, ‘Igumon mako ki Tuhan in momarakat kon tombuḷud motusi kon Yerusalem tampat pogutunan inta ain sinantú kon i-Nia.’

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

KORINTUS 2 11:2

Akuoi in mokotanob kon i monimu, naonda bo kototanob i Allah kon i monimu. Moiko nion in naonda bo mongodeaga inta ain pinodandiku kon nikaan in tobatú ḷoḷaki, ḷoḷaki tatua in ki Kristus.

IBRANI 11:10

Ki Abraham in mogoḷat mako kon kotá inta sinomayá i Allah posindogon kon pondasi inta moroton.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

IBRANI 13:14

Sin kon dunia naa diábí in tampat pogutunan mononoi kon i naton, kita in mayábí motayak kon tampat pogutunan kon singgai moiduduimai.

WAHYU 1:1

Buk tanaa in nongonguman kon onu inta pinoontong i Yesus Kristus soaḷ mita inta mobaḻí. Pinotaau i Allah kon i Kristus, sinbá potaau i Kristus kon intau mita inta nogaid kon oaidan i Allah in onu inta diádon moonggot bo mobaḻí. Ki Kristus nopotabádon in malaekat-Nea namangoi kon i Yohanes, intau inta mogogaid kon oaidan-Nea, sin mopotaau kon inia in bayongan soaḷ inta mobaḻí tua.

WAHYU 1:4

Utat mita inta kon pitu nojamaat kon daerah in Asia! Akuoi, ki Yohanes, mopoigum mako sinbá moiko in ogoian i Allah in barakat bo kobiagan motompia--tuata in ki Inta oyúon, bo inta koyongandon oyúon, bo inta umuran oyúon, bo nongkon roho pitu inta kon tayowonmai in tampat pomomarentaan i Allah,

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 11:2

Táe donaaidon ukuron in palas kon dotá in ḷuai Baḷoi i Allah tatua, sin tua in inogoi bidon kon intau mita inta diá nonotaau kon i Tuhan. Mosia in mamangoi morita-ritak mako kon kotá motusi tatua kon bonu in opat nopuḷú bodoyowá nobuḷan.

WAHYU 21:10

Dá Roho i Allah in nongawasa kon inakó, bo malaekat tatua in nodia kon inakó minayá kon tudu in buḷud inta moḷantud totok. Bo sinundúnea kon inakó in Yerusalem, kotá inta mokudus tatua, kotá inta noponag nongkon soroga inta nongkon i Allah,

WAHYU 21:9

Noiduduimai kon tua noiangoidon in tobatú malaekat inta nongkon sigad in malaekat taya pitu inta nokadai kon palo mita inta nopuḻing in roriga pangabisan tatua. Sia in noguman kon inakó, “Igai! Poontong-Ku kon inimu in Nonikaan, tuata in ki buḷoi i Adí in Domba.”

WAHYU 22:17

Roho i Allah bo Nonikaan Bobay in noguman, “Koḻigai!” Ki ine in nokodongog kon naa musti moguman doman, “Koḻigaidon!” Ki ine in moyogang, pogamádon in sia kon tubig inta mobogoi in kobiagan tatua, bo diábí uboḻian.

WAHYU 22:19

Bo aka oyúon in intau in monggaat kon tobatúmai in tosingogon inta pinoyaput tanaa, dá gaatan doman i Allah in tonsilainea inta ná ain pinais kon bonu in buk tanaa, silainea inta nongkon pangkoi in kayu inta mobogoi in kobiagan bo nongkon kotá motusi tatua.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.