WAHYU 21:12 - Alkitab Singog In Mongondow Masa In Tanaa

¹² Dindingnea in moḷoben bo moḷantud, ngaranea in mopuḷú bodoyowá, bo iḷukadan in malaekat mopuḷú doman bodoyowá. Kon ngara mita tatua pinaisan in tangoi mita in mopuḷú bodoyowá suku in Israel.

WAHYU 21:12 Iomraidhean Croise

TAWARIKH 2 9:19

Kon popodnea koḷoigi bo koḷanan kon batúan in tukad in kadera tatua oyúon in patong in singa – kobayongnea komintan in mopoḷú bodoyowá. Diábí kon dodai in onda in oyúon in kadera ná tatua in kon dodatuan ondaka.

EZRA 9:9

Kon tungkuḷ in kami kon pinononggataanpa, diábí sinaḷáan-Mu in kami. Binaḻí-Mu in kami kinotabi in datu mita in Persia bo pinomayá mako in nobiag bo noposindog bui in Baḷoi-Mu inta dongkadon rumbunnea tua. Iḷukadan-Mu in kami in kon naa, kon Yohuda bo kon Yerusalem.

NEHEMIA 12:27

Naonda in dinding Yerusalem sinoguḷapatandon, intau mita in Lewi in inoiní nongkon bayongan in tampat pinogutunan monia, sinbá dumudui moporame kon tua takin dondong sukur monia mopomaké in musik in gambus bo kecapi.

MAZMUR 122:7

Igumon mako oyúon in dodamean kon bonu in butámu, bo koodom kon bonu in bentengmu mita.”

MAZMUR 51:18

Iko in doíbí kon kuruban ratáan; aka kuma bo akuoi moposumba in kuruban payongon, yo doíbí Iko intua.

IḶUAIAN 28:21

Kon batúan in permata musti popokurig in tangoi tobatú nongkon sigad i adí Yakub inta mopuḷú bo doyowa nobaḻí tompoingat kon suku mita Israel.

YESAYA 54:12

Benteng mita posindogon-Ku nongkon batu delima, Bonawangmu mita in nongkon batu permata, dindingmu mita in nongkon batu ratna mutu manikam.

YESAYA 60:18

Diá bidon in habar soaḷ aid diá mopia kon butámu, soaḷ korimumudan bo kogoguyaatan kon wilayahmu. Naonda bo dinding Akuoi in mogoḻiung kon inimu, bo iko in modayowbí kon i-Nakó nobaḻí Mopoposaḷamatmu.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

LUKAS 16:22

Diá noonggot kon tua minatoi in intau bogá tatua bo dinia in malaekat mita pinobayá in tampat inta mopia kon diug i Abraham kon soroga. Natua doman in intau inta nooyúon tatua, minatoidon doman bo iḷobong.

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

WAHYU 21:13

Toto-toḷu in ngara tumayow kon tobatú noarah; toḷu kon dotá in pomukaan, toḷu kon dotá in toḷatan, toḷu kon dotá in utuan, bo toḷu doman kon dotá in toyopan.

WAHYU 21:15

Kon Malaekat inta noyosingogku tatua oyúon in tungkud pogogukur inta pinomia nongkon buḷawan sin pogogukur kon kotá, kon ngaranea mita bo kon dindingnea.

WAHYU 21:25

Tumongo singgai ngara mita tatua diábí ḻingko-ḻingkopan, sin diá bidon doḷom kon tua.

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.