WAHYU 2:5 - Alkitab Singog In Mongondow Masa In Tanaa

⁵ Tuamai, torop kon totuudon moyayú in kinoḷabúan monimu! Dá pogogaidon in mogaid kon dosa mita bo aidaidon in onu inta inaidan monimu muna. Aka diá, yo angoion-Kudon rabuton sioḷ in togámu tua nongkon tampatnea.

WAHYU 2:5 Iomraidhean Croise

YESAYA 1:26

Moiko in bui-Ku ogoian in hakim mita bo monononggina ná dungkuḷmai. Dá Yerusalem in tangoiondon kotá inta moadil bo motoindudui.”

YESAYA 14:12

Ei datu in Babel, koḻipod iko in tundi modiug mobayag inta modoriang, táe tanaa in noḷabúdon nongkon ḷangit! Koḻipod iko in nonaḷow kon bangusa mita, táe tanaa in pinorobu kon butá.

YEHEZKIEL 20:43

Kon tua kotoropandon monimu in bayongan in oaid inta mokorongó inta ain nokonajis kon awakmu. Dá morongódon in moiko in mokotorop kon bayongan inta nobaḻí tatua.

YEHEZKIEL 36:31

Kotoropanbí monimu in dodiamu inta moraat bo aidmu inta diá patus tua, bo morongódon bui in moiko kon awakmu tontaní popisí in dosamu mita bo aidmu inta diá mopia tua.

HOSEA 14:1

Samaria in mustibí hukumon popisí in nomarontak nonayow kon i-Nakó. Rayatnea in matoi kon poparangan; adí mita mointok monia in ḻintogon, bo bobay mita sidia in botakon in siannea.”

HOSEA 9:10

Ki Tuhan in noguman, “Kon tungkuḷ in Akuoi dungkuḷ nokouḻí kon Israel, nopia in gina-Ku naonda bo intau nokouḻí kon bungai in anggur kon padang gurun. Kon tungkuḷ in Akuoi dungkuḷ nokoontong kon mogoguyangmu, nopia totok in gina-Ku naonda bo intau inta nokoontong kon bungai in ara inta dungkuḷ. Táe, kon dodai in mosia minayá in Buḷud in Peor, mosia in nomangkoidon nosumba kon Baal, dá nonajisdon in mosia naonda bo dewa inta kinoibog monia tatua.

MALEAKHI 3:4

Dá nádon kon dungkuḷmai, ki Tuhan in moibogdon kon kuruban mita inta posumba kon i-Nia in umat in Yohuda bo Yerusalem.

MALEAKHI 4:6

Baḻíonneabí in guyanga mita ḷoḷaki bo ki adínea mita motobatú kon gina, sinbá Akuoi in diá mamangoi sin moyompat kon butámu.”

MATIUS 5:14

Moiko bayag in dunia. Ḻipú inta kon tudu in buḷud diábí moibuni.

MATIUS 5:15

Apa doman diábí intau inta mopoyongkit mako in togá bo tungkubannea in belek, yo tantú tuduonneabí kon tampat pototuduan kon togá dá mokosimbayag kon bayongan intau inta kon bonu in baḷoi tatua.

MARKUS 12:9

Ki Yesus in noḻibó, “Yo onu in aidan i togi gobá tatua in tanaa? Notantúbí kon angoionnea putúan in mototomoyó mita tatua, bo potomoyóneadon kon intau ibanea in gobá in anggur tatua.

LUKAS 1:17

Sia in mobaḻí totabá i Tuhan inta moropot bo mokawasa ná ki Elia. Sia mopoyodame kon gina in guyanga bo adí, bo intau mita inta raian monia diá moitutui in potutuionnea bui. Tua in mangaḻenea kon sia in moposadia kon umat inta moibog dumudui kon parenta i Tuhan.”

LUKAS 20:16

Notantú bidon kon mamangoi in sia moḻimod kon mototomoyó mita tatua, bo gobá tatua in potomoyóneadon kon mototomoyó ibanea.” Nokodongogmai kon tua, intau mita in noguman kon i Yesus nanaa, “Poyayúdon kaasí.”

GALATIA 5:4

Aka moiko bo moramuji dumudui kon hukum i Musa sinbá posaḷamaton, yo tua in mangaḻenea hubungan monimu takin i Kristus in nobontowdon. Bo aka natua yo moiko in nobiag bidon kon ḷuai in totabi i Allah.

PILIPI 2:15

Sin aid natua in mopoontongbí kon moiko in ki adí mita i Allah inta diá kotaḷá, inta nobiag kon yua-yuak in intau mita masa naa inta gina diá mongotuḻid bo nobiag diá mongotoḷutui. Sahingga in moiko umuran monimbayag kon yua-yuak monia tua, naonda bo tundi mita kon ḷangit, táe dika taḷaan in pirman i Allah inta nobaḻí dodoyonan in kobiagan, sinbá oyúon in mokosanang kon ginaku aka moiangoidon singgai i Kristus, sin moniatadon kon onu inta iramujiku tua in komintanbí nobaraguna bo oyúon in mangaḻe irorigaankumai tua.

IBRANI 10:32

Toropka in kaadaan monimu koḻipod. Kon wakutu in moiko notarima kon bayag inta pinonindar i Allah, moiko in tantú nokorasa kon yoyiga, táe umuran nobakuat totok in moiko.

PETRUS 2 3:17

Táe moiko utat mita inta kinotabiku, kinotaauan bidon monimu intua. Tuamai mokopoingat sinbá moiko in diá moidudui kon aid in intau mita moraat tatua bo inta diá doman nonotaau in hukum, bo moiko in moḷabú nongkon dodoyonan kobiagan monimu inta moroton.

YUDAS 1:24

Ki Allah, inta mokosanggup moḷukad sinbá moiko diá moḷabú, bo inta mokosanggup modia kon i monimu mayá in tampat pomomarentaannea inta momulia takin gina mosanang bo modarit.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 16:9

Intau sinurubnea in patú inta nongkon i-Nia, bo mosia in nogodi-godimai kon tangoi i Allah inta nongawasa kon bodito mita tatua. Umpaka natuadon, táe mosia in doíbí doman in mogogai mogaid kon dosa mita monia bo doí doman modayow kon kamuliaan i Allah.

WAHYU 2:16

Sin tuamai, pogogaidon in mogaid kon dosa mita monimu! Aka diá, yo ḷagidon in Akuoi mamangoi kon i monimu bo duduran-Ku in pitow inta kon bibig-Ku in intau mita tatua.

WAHYU 2:19

Kinotaauan-Kubí in bayongan inta inaidan monimu. Moiko in mototabian, moiko mosatia, moiko nogaid, bo moiko notababí doman in kinoantugan in yoyiga. Bo kinotaauan-Kubí kon nodugangdon in rajing monimu nongkon inta koḻipod.

WAHYU 2:2

Kinotaauan-Kubí onu inaidan monimu. Moiko in morajing totok in mogaid bo totok doman mosabar. Kinotaauan-Kubí doman kon kinodoíbí monimu in mosia inta moraat. Bo intau mita inta dumuí rasul bokaka deemanbí totuu rasul, aindon inuji monimu bo kinokadapatan monimu kon mosia tua in intaubí mita inta mongouboḷ.

WAHYU 3:19

Intau mita inta kotabi-Ku, mosia tuata in toboḷowon-Ku bo sambokon-Ku. Manangka intua koropotdon in gina monimu bo pogogaidon in mogaid kon dosa mita.