WAHYU 2:3 - Alkitab Singog In Mongondow Masa In Tanaa

³ Moiko in nosabar bo moiko in nokorasa kon yoyiga popisí in nopirisaya kon i-Nakó, táe moiko in diábí kinobuḻian in harapan.

WAHYU 2:3 Iomraidhean Croise

MAZMUR 37:7

Oḷatdon mako in ki Tuhan takin gina moodom, ḷukadaidon mako pokosabar modapot in Sia mopoaid. Dika tumorú popisí in intau inta nokouḻí kon kobiagannea, andeka inta nonompobaḻik.

MAZMUR 69:7

Dikabí pomayá mako in akuoi mokopooyámai kon intau mita inta mongamang kon ini-Mu, o Tuhan, Allah Inta Totok in mokawasa. Dikabí pomayá mako in akuoi mokopoangoi in kotor kon intau mita inta nosumba kon ini-Mu, o Allah in Israel!

MIKHA 7:9

Kita in binaradosadon kon i Tuhan, tuamai in tanaa kita in mustibí motarima kon torú-Nea. Táe diá bidon moonggot Sia in moduḷu kon i naton bo mobogoi kon onu inta moadil kon i naton. Sia in modiabí kon i naton ḷumuai mamangoi in mobayag; korasaanbí naton tontaní kon Sia in moposaḷamat kon i naton.

MARKUS 15:21

Kon daḷan mosia noyodungkuḷ in intau. (Ki Simon in tangoinea, – nongkon Kirene – ki amá i Aleksander bo i Rupus.) Noitongkanábí in sia nongkon ḻipú bo mopobayá in kotá. Intau tatua pinakisa monia pinoki potaanan in kayu pinoyotaḻempang inta popopakúan kon i Yesus.

LUKAS 14:27

Intau inta doí momotaan kon kayu pinoyotaḻempang bo dumudui kon i-Nakó, sia tua in diábí motaau mobaḻí dumodudui-Ku.

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

LUKAS 21:19

Aka moiko monahang bo mokosabar, yo mosaḷamatbí.”

LUKAS 5:5

Dá ki Simon in noguman, “Pak Guru, tonggobiidon naa in pinoramujian nami nodomok kon toyá, táe diá tobatúmai in noaḷap nami! Tongá naa bo ki Pak Guru in nopotabá dá duduiankudon. Bayáanku bui bukáan in landará.”

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

YOHANES 15:21

Bayongan tua in daitonbí monia popoaid kon i monimu, sin moiko in dumodudui-Ku, bo diábí kinotaauan monia in Sia inta nopotabá kon i-Nakó.

SURAT I PAULUS KON JAMAAT RUM 12:12

Utat, poharapdon kon i Tuhan takin ḷunganga in gina, mokoposabar aka koantugan in susa, bo umuran posambayang.

SURAT I PAULUS KON JAMAAT RUM 16:12

Salam doman kon i Tripena bo kon i Triposa inta ain noramuji totok in nogaid sin kopontingan i Tuhan, bo salam doman kon i Persis inta kinotabiku. Sia doman tua inta ain noramuji totok in nogaid sin kopontingan i Tuhan.

SURAT I PAULUS KON JAMAAT RUM 2:7

Bo ki Allah in mobogoibí in kobiagan mopia bo mononoi kon i monia inta umuran mogaid kon inta mopia, kon i monia inta motayak kon inta momulia, inta motayak kon kahoromatan bo inta motayak kon inta mononoi.

SURAT I PAULUS KON JAMAAT RUM 8:25

Táe aka kita in moharap mako kon onu inta diá inontong naton, dá mosabarbí in kita mogoḷat.

KORINTUS 1 13:7

Monahangbí in sia in tumayow kon bayongan rupa-rupa bo mopirisaya kon bayongan inta mopia; sia in tantú oyúon in harapan bo monahang doman in mogoḷat bo motanggung kon bayongan rupa-rupa inta mobaḻí.

KORINTUS 1 16:16

Manangka intua duduiaibí in intau natua takin intau mita ibanea inta nogaid bo nobantung noyotakin monia tua.

KORINTUS 2 10:15

Kami in diábí dumuí tontaní sin oaidan in intau ibanea inta ain noiḻimpat kon sigad inta ain sinantú i Allah kon i nami. Táe kami in tantú mogaid kon bonu in sigad inta ain sinantú i Allah kon i nami, bo kami tantú moharap mako kon bá umuran modugang in pirisaya monimu kon i Kristus. Sinbá kami in motaau mogaid kon oaidan inta moiḻiu kon oaidan mita tatua kon sigad monimu.

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

KORINTUS 2 4:1

Kami nogaid kon oaidan tanaa popisíbí in totabi i Allah. Tuamai in diábí moḻia-ḻiaw in gina nami.

KORINTUS 2 4:16

Manangka intua diábí moḻia-ḻiaw in gina nami. Umpaka kosikisa-sikisadon, táe gina nami in tantúbí toimbaguon pomuḷoi in singgai.

KORINTUS 2 5:9

Tuamai kami in totok moramuji moposanang kon gina i Allah, kon wakutu in mobiagpa kon dunia naa ande kon baḷoi inta ain sinantú i Tuhan.

KORINTUS 2 6:5

kami in sinikisa, pinobonu kon ponjara, iḷoḻibutan binongkug, kami totok in mogaid, mokakit in diá mosiug bo mokakit doman in kodaitan kaanon.

GALATIA 6:2

Mosituḷungan aka mokoontong kon roriga ande oaidan in intau ibanea, sin aka tua in aidan monimu yo dinumuduidon kon parenta i Kristus in moiko.

GALATIA 6:9

Manangka intua donaaibí mokopomaḷat in mogaid kon inta mopia; sin aka kita bo diá mogogai in mogaid kon inta diá mopia, yo korasaanbí doman naton in koonggotannea.

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

KOLOSE 1:11

Igumondon mako, sinbá kawasa i Allah inta momulia in tantú moginrigon kon i monimu, sahingga in umuran mosanang bo mopia in gina monimu wakutu in moyogintayow in bayongan roriga

TESALONIKA 1 2:9

Tantú kinotoropanpabí monimu uḻe utat mita naonda in pinogogaid bo pinororamuji nami. Doḷom bo singgai kami in mogaid sinbá diá tobatúmai in kon sigad monimu in mororiga wakutu in kami nopoyaput in Habar Mopia inta nongkon i Allah kon i monimu.

TESALONIKA 1 5:12

Utat mita, poigum nami totok kon i monimu, horomatonbí in mosia inta nogaid kon yua-yuak monimu; intau inta ain piniḻí i Tuhan nobaḻí itoi bo monononggina kon i monimu.

TESALONIKA 2 3:13

Dikabí angoian in maḷat in mogaid kon inta mopia.

TESALONIKA 2 3:5

Poigumon mako tua ki Tuhan in umuran motundú kon daḷan mopia kon i monimu sinbá kotaauandon totok monimu kon motabibí totok in ki Allah kon i monimu bo ogoianbí i Kristus in kasabaran in moiko.

TESALONIKA 2 3:8

Kami in deemanbí tongá mokaan kon onu in ogoi intau bo diá mogaid, táe kami in iyumoyigabí totok in mogaid doḷom bo singgai sinbá diá tongá mokoposusamai kon intau ibanea.

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

TIMOTIUS 1 5:17

Itoi mita in jamaat inta nopobayá in oaidannea notompia, patusbí in sia ogoian in ponghargaan kodua noguntuḷ in kopianea. Torutama mosia inta morajing totok in motundú bo mopoyaput in Habar Mopia.

IBRANI 10:36

Mokoposabarbí in moiko, sinbá motaaupa mogaid kon onu inta kinoibog i Allah, sahingga in tarimaanbí monimu in onu inta pinodandi i Allah tua.

IBRANI 12:1

Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.

IBRANI 13:13

Tuamai, koḻigai mayá in kita kon i-Nia kon ḷuai in ḷoḷaigan bo moyotakin-Nea singkuḻeon.

IBRANI 6:10

Sin ki Allah in moadilbí. Diábí koḻiongan-Nea in onu inta ain inaidan monimu kon i-Nia, bo tabi inta pinoontong monimu kon i-Nia wakutu in notuḷung kon utat mita inta tumpaḷa mopirisaya kon i Kristus tungkuḷ intua bo masa in tanaa.

IBRANI 6:12

Donaai mokopomaḷat, táe duduiaidon aid in intau mita inta ain notarima kon onu inta pinodandi i Allah, sin mosia in umuran nopirisaya kon i Allah bo nosabar doman mako in nogoḷat.

IBRANI 6:15

Nosabar in ki Abraham in nogoḷat kon dandi tatua, sahingga nouḻínea in onu inta pinodandi tatua i Allah.

PETRUS 2 1:6

koḻikud in mopandoi, moiko in musti doman mokotahang kon gina. Koḻikud in mokotahang kon gina moiko in musti moramuji doman sinbá motaba in tumayow kon bayongan in yagi-yagi. Koḻikud in motaba tumayow kon bayongan yagi-yagi, moiko in musti doman mobiag podudui kon inta kinoibog i Allah.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.