WAHYU 2:23 - Alkitab Singog In Mongondow Masa In Tanaa

²³ Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

WAHYU 2:23 Iomraidhean Croise

TAWARIKH 1 17:18

Onupa in motaauku singogon kon ini-Mu, o Tuhan Allah? Iko in nonotaaudon in bayongan yagi-yagi kon mogogundoi-Mu naa, táe inogoian-Mu in kahoromatan in akuoi.

TAWARIKH 1 28:9

Bo ki Daud in noguman kon i Salomo nanaa, “Adíku, igumonku sinbá ki Allah inta sinumba i amámu, in akuonmu nobaḻí ki Allahmu. Iko in mustibí mogundoi kon i-Nia takin ḻimbatúon in gina bo gina mobayag. Sin kinotaauan-Neabí in bayongan raian bo ibog naton. Aka iko motayak kon i-Nia, yo mouḻímubí in Sia, táe aka iko monaḷámai kon i-Nia, yo indoíon-Nea bidon in iko modapot in mononoi.

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

TAWARIKH 2 6:30

yo igumon mako Iko nongkon tampat pinogutunan-Mu kon soroga moibogpa kaasí mokidongog bo mongampung kon i monia. Tongábí Iko in monotaau kon bonu in gina in intau. Tuamai in popoaidon kon intau podudui kon aid mita monia,

AYUB 24:23

Inogoian i Allah in sia in kobiagan motompia, táe umuran iḷukadannea mako.

MAZMUR 139:1

Kon i itoi in mododondong. Mazmur i Daud. O Tuhan, kinodoḷopan-Mu in ginaku bo kinotaauan-Mu in akuoi.

MAZMUR 26:2

Taridiaidon in akuoi, o Tuhan, bo tungkuḷaidon in akuoi, tarididon in ibog bo raianku.

MAZMUR 44:21

Aka kuma bo kami in diádon nosumba kon i Allah, táe nosambayangdon kon i ilah ibanea mako,

MAZMUR 62:12

Kotongonumaidon in dinongogku in ki Allah noguman kon kawasa in nongkon i-Niabí,

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

YEREMIA 11:20

Bo akuoi in nosambayang, “O Tuhan Inta Totok in mokawasa, Iko in hakim inta moadil; Ikobí in nonungkuḷ kon raian bo gina in intau. Pelekaraku tanaa in posingayowon-Ku kon ini-Mu. Igumon mako koontonganku in Iko motuḻí kon aid in intau mita tatua.”

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

YEREMIA 20:12

Táe, o Tuhan Inta Totok in mokawasa, takin aid moadil sinungkuḷan-Mu in intau; Kinotaauan-Mu in gina bo raian monia. Tuamai in ogoipa in akuoi moindoi kon ini-Mu motuḻí kon aid moraat in musung sin pelekaraku tanaa in poposarakankubí kon ini-Mu.

ZEPANYA 1:11

Pogamui bo pongombaḷdon kon dodai in moiko mokodongog kon tua, ei intau inta nogutun kon kotá kon dotá in ḻimonag, sin bayongan in mopopotaḷui bo intau mita inta nopoḷuan in doit in minatoidon kinoḻimodan!

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

YOHANES 4:16

Guman i Yesus kon inia, “Bayádon bo oiní in ki buḷoimu mamangoi in naa.”

OUMAN IN RASUL MITA 1:24

Mosia komintan nosambayang nanaa, “Tuhan, Ikobí inta nonotaau kon bonu in gina in bayongan intau, tundúdon mongo ki ine in koibog-Mu kon sigad inayadua naa, inta motarima kon oaidan inta pinoki aid-Mu táe inta ain sinaḷáanmai i Yudas inta ain notarima kon hukuman pinodudui in oaidnea.”

SURAT I PAULUS KON JAMAAT RUM 14:12

Dá kitabí tontaní in motanggung jawab kon bayongan oaid naton kon i Allah.

SURAT I PAULUS KON JAMAAT RUM 8:27

Dá ki Allah, inta nonotaau kon bonu in gina intau, nonotaaubí kon makusud in Roho tatua; sin Roho tatua mopoigum kon i Allah sin kopontingan in umat-Nea, bo tua in pinoduduibí kon ibog i Allah.

KORINTUS 2 5:10

Sin notantúbí kon kita in diaanbí kon tayowon pongadilan i Kristus, bo pomuḷoi intau in motarimabí kon inta patus tarimaannea podudui in oaidannea kon wakutu in kon duniapa naa – oaid mopia andeka moraat.

GALATIA 6:5

Sin pomuḷoi intau in mustibí motanggung jawab kon onu in inaidannea tontaní.

ULANGAN 13:11

Dá bayongan in bangusa Israel mokodongogdon kon pinoḻimodan tatua bo mobaḻídon motoguondok, dá diádon tobatúmai in momia kon inta moraat ná tatua bui.

ULANGAN 17:13

Bayongan intau in mokodongogdon kon tua bo agíandon in ondok, dá diá bidon in mokobaḻí mogaid kon natua.”

ULANGAN 19:20

Bayongan intau inta mokodongog kon soaḷ tatua mobaḻídon moondok, dá diádon tobatúmai in mogaid kon inta moraat natua.

ULANGAN 21:21

Bo intau mita ḷoḷaki kon kotá tatua musti mogarab in batu kon adí tatua modapot in matoi. Aid natua moponiata kon moiko in monginggamá kon aid moraat. Bayongan in intau kon Israel in mokodongogdon kon tua bo angoiandon in ondok.”

IBRANI 4:13

Diábí tobatúmai in mahaḷuk in diá ontongon i Allah. Bayongan yagi-yagi komintanbí ontongon-Nea mako motarang kon tayowon-Nea. Bo mustibí tanggung jawab bo naton kon tayowon-Nea.

PETRUS 1 1:17

Ki Allah tangoion monimu ki Amá wakutu in moiko mosambayang. Bá kotaauan monimu kon ki Allahbí tatua in mohakim kon intau podudui in oaid monia tontaní bo diábí poyoposion-Nea in intau. Tuamai wakutu in moiko kon duniapa naa koondokbí kon i Allah aka mobiag.

WAHYU 2:11

Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.

WAHYU 20:13

Bo dagat noposarakan domandon in intau mita inta kon bonunea. Popatoi bo dunianea in noposarakan doman in intau mita minatoi inta kon i monia. Bo intau minatoi mita tatua in komintan pinopoḷabúan in hukuman pinodudui kon oaid monia.

WAHYU 22:12

“Tarukira in naa!” guman i Yesus, “Diádon moonggot bo Akuoi in mamangoi modia kon boḻi in pinogaidan in intau podudui kon onu inta ain inaidannea.

WAHYU 6:8

Bo inontongku in tobatú kabaḷo inta nobilai. Ki inta sinumakoi tua tangoinea in ki Maut. Bo dumuduianmai kon inia in dodatuan popatoi. Tokoar in kawasa kon dunia naa in pinosarakan kon i monia, sinbá mosia in motaau moḻimod popototoi kon parang, malarat bo popototoi kon takit mita bo popototoi kon mahaḷuk mita inta mokokaan kon intau.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”