WAHYU 2:13 - Alkitab Singog In Mongondow Masa In Tanaa

¹³ Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

WAHYU 2:13 Iomraidhean Croise

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

LUKAS 21:17

Moiko saturuon in bayongan intau sin moiko in murí-Ku.

OUMAN IN RASUL MITA 22:20

Natua doman, naonda in ki Stepanus inta simpaḷ-Mu iḻimod, akuoi tontaní in kon tua bo nopia-pia doman in ginaku in pinoḻimodan monia tatua.’

OUMAN IN RASUL MITA 9:14

Bo tanaa in sia in namangoi domandon naa sin inogoiandon doman i imang mita itoi in kasampatan modomok kon bayongan intau inta mopirisaya kon ini-Mu.”

TESALONIKA 1 5:21

Bayongan in yagi-yagi musti ujionpa muna, onda in mopia, tua in aidan.

TIMOTIUS 1 5:8

Táe aka oyúon in intau inta doí monarukiramai kon i utatnea, ginaḷumnea, apadoman intau inta kon bonu in baḷoinea, yo intau tatua in doí mogaid kon onu inta sinuntut in pinirisayanea tatua, dá intau tatua in moraa-raatdon nongkon intau inta diá mopirisaya kon i Kristus.

TIMOTIUS 2 1:13

Duduiaibí totu-totuu in totundú noitutui inta ain inogoiku kon inimu. Dika umukat kon onu inta ain pinirisayamu bo kon tabi inta ain nobaḻí kapunyaan naton, sin kita in notobatúdon i Kristus Yesus.

TIMOTIUS 2 2:12

Aka kita bo motaba, yo kita in moyotakin-Neabí doman momarenta. Aka diá akuon naton in Sia, yo diábí doman akúon-Nea in kita.

IBRANI 10:23

Koḻigai in kita mokopotantú kon pirisaya bo umuran kumadai kon onu inta inakudon naton bo inta i harap mako naton, sin Sia inta nodandi in tantúbí mobogoi in onu inta ain pinodandi-Nea tatua.

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

YAKOBUS 2:7

Mosiabí tuata inta nohina kon tangoi mopia inta sinarima monimu nongkon i Allah!

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

WAHYU 13:2

Mahaḷuk inta inontongku tua, batangannea in naonda bo macan tutul, sioḷnea naonda bo sioḷ in boruang, bibignea naonda bo bibig in singa. Mahaḷuk tatua inogoian i naga in ropot, inogoian in tampat pomomarentaannea bo kawasa inta moḷoben.

WAHYU 14:12

Dá kon naa, umat i Allah inta motoindudui kon parenta-Nea bo mosatia kon i Yesus, musti Mokopotabá.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 2:2

Kinotaauan-Kubí onu inaidan monimu. Moiko in morajing totok in mogaid bo totok doman mosabar. Kinotaauan-Kubí doman kon kinodoíbí monimu in mosia inta moraat. Bo intau mita inta dumuí rasul bokaka deemanbí totuu rasul, aindon inuji monimu bo kinokadapatan monimu kon mosia tua in intaubí mita inta mongouboḷ.

WAHYU 3:11

Akuoi in ḷagibí mamangoi! Ḷukadai kopira in onu inta oyúondon kon i monimu, sinbá diá tobatúmai in intau in mokoagow kon tombuinag kinountungan monimu.

WAHYU 3:3

Tuamai in toropdon bui in onu inta ain sinundú kon i monimu koḻipod bo onu inta ain dinongog monimu. Duduiai intua bo pogogaidon in mogaid kon dosa mita. Aka moiko bo diá mobangon, yo Akuoi in mamangoi kon i monimu naonda bo mononakow; bo diábí kotaauan monimu mongo toonu in Akuoi in mamangoi.