WAHYU 2:11 - Alkitab Singog In Mongondow Masa In Tanaa

¹¹ Ki ine in mokodongog, yo tarukira in onu in pinoguman in Roho i Allah kon jamaat mita! Mosia inta mountung, beresi bidon diá mokorasa kon roriga in kopatoian induanea.”

WAHYU 2:11 Iomraidhean Croise

MATIUS 11:15

Aka oyúon in bongoḷan, yo pokidongog.

MATIUS 13:9

“Aka kobongoḷan, yo indongogai!”

MARKUS 4:9

Nopaḷut mako nongonguman kon poumpamaan tatua ki Yesus noguman, “Aka kobongoḷan, yo indongogai!”

MARKUS 7:16

Dá aka kobongoḷan yo pokidongog.]”

LUKAS 8:8

Táe oyúon doman in noḷabú kon butá mopia. Bibit tatua in nobiag nopira bo nomungai nodatog totok. Bungainea in mogatut noguntuḷ in kobayongnea.” Nopaḷut mako nongonguman kon natua, Sia in noguman noropot nanaa, “Ki ine in kobongoḷan yo pokidongog!”

WAHYU 13:9

Tuamai, aka moiko mokosanggup in mokidongog, yo indongogaidon in habar tanaa:

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”

WAHYU 2:7

Ki ine in mokodongog, yo tarukiradon onu in pinoguman in Roho i Allah kon jamaat mita! Mosia inta mountung, ogoi-Ku mokaan kon bungai inta nongkon pangkoi in kobiagan inta nobiag kon taman i Allah.”

WAHYU 20:14

Onda intua popatoi bo dunianea in pinogambat kon bonu in dagat in tuḷu. (Dagat in tuḷu tanaa in kopatoian inta induanea.)

WAHYU 20:6

Kosanangdon totok in intau mita inta noitakin biniag bui dungkuḷ tua. Mosia tua in patusbí mobaḻí kapunyaan i Allah. Sin popatoi induanea in diá bidon mongawasa kon i monia. Mosia tua in mobaḻí imang mita i Allah bo i Kristus, bo mosia in momarenta moyotakin i Kristus toribu notaong in koonggotnea.

WAHYU 21:7

Intau mita inta mountung, mokouḻí kon soaḷ mita natua nongkon i-Nakó, bo Akuoi in mobaḻí ki Allahnea, bo sia in mobaḻí ki adí-Ku.

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.

WAHYU 3:13

Ki ine in mokodongog, yo tarukira onu in pinoguman in Roho i Allah kon jamaat mita!”

WAHYU 3:5

Mosia inta mountung ḷambungan in ḷambung mobudó natua. Tangoi monia in diábí popaton nongkon Buk Intau Nobiag. Bo akúon-Kubí in mosia kon tayowon i Amá-Ku bo malaekat-Nea mita kon Akuoibí in kitogi kon i monia tua.

WAHYU 3:6

Ki ine i mokodongog, yo tarukira onu in pinoguman in Roho i Allah kon jamaat mita!”