WAHYU 19:5 - Alkitab Singog In Mongondow Masa In Tanaa

⁵ Bo kinodongogandon in giow nongkon tampat pomomarentaan tatua noguman, “Dayowdon in ki Allah, ei bayongan in intau inta nogaid kon oaidan i Allah, bo bayongan intau – guyanga-mongoadí – inta nosumba kon i Allah!”

WAHYU 19:5 Iomraidhean Croise

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

MAZMUR 134:1

Dondong mayá in Baḷoi Tuhan. Igai, dayow in ki Tuhan, ei bayongan in mogogundoi i Tuhan, bayongan inta mosumba kon Baḷoi-Nea kon tungkuḷ in doḷom.

MAZMUR 135:1

Dayowdon in ki Tuhan! Dayowdon in tangoi Tuhan, ei moiko mogogundoi-Nea mita

MAZMUR 150:6

Biódon mako in bayongan in mahaḷuk inta nobiag modayow kon i Tuhan. Dayowdon in ki Tuhan!

MAZMUR 22:23

Aid-Mu in oumanonkubí kon i utatku mita; kon bonu in poyodungkuḷan in umat-Mu akuoi in modayow kon ini-Mu.

WAHYU 13:16

Bayongan intau, moḷoben bo mointok, mobiag nooyúon bo nobiag nobogá, ata bo intau nobebas pinakisa in mahaḷuk tatua motarima kon tanda kon ḻima monia koḷanan andeka kon pogot monia.

WAHYU 16:17

Nopaḷut mako kon tua malaekat impitunea in nopobutak domandon in palonea kon baḷangon. Dá kinodongogandon in singog moropot nongkon tampat pomomarentaan kon baḷoi i Allah, inta noguman, “Ain nopaḷut!”

WAHYU 19:18

Koḻigai mokaan kon tapú in datu mita, tapú in bayongan itoi in tontara bo tapú in bayongan intau inta minatoi noparang. Koḻigai mokaan kon tapú in intau mita inta tumotakoi kon kabaḷo, tapú in kabaḷonea mita bo tapú in bayongan intau, guyanga, mongoadí, ata andeka intau nobebas!”

WAHYU 20:12

Bo akuoi in nokoontong kon intau mita minatoi, guyanga-mongoadí sinimindog kon tayowon tampat pomomarentaan tatua. Bo tobatú buk ibanea in binukádon, tuata in Buk Intau Nobiag. Onda intua hukuman pinoḷabúdon kon intau mita minatoi, podudui in oaid monia podudui kon inta ain pinais kon bonu in buk mita tatua.

WAHYU 7:15

Manangka intua mosia in sinimindog kon tayowon pomomarentaan i Allah, bo moibada kon i-Nia doḷom bo singgai kon bonu in Baḷoi Allah. Bo Sia inta iḻimitú kon tudu in tampat pomomarentaan tatua in mamangoi kon yua-yuak monia bo mogoḻiung kon i monia.