WAHYU 19:2 - Alkitab Singog In Mongondow Masa In Tanaa

² Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

WAHYU 19:2 Iomraidhean Croise

DATU MITA 2 9:7

Iko in moyopú kon motoḷuadí i Ahab ki Tuangmu. Takin natua hukumon-Ku in ki Izebel inta ain noḻimod kon nabi-Ku mita bo mogogundoi-Ku mita ibanea.

MAZMUR 19:9

Atorang i Tuhan tua in noitombutung, mokosanang kon gina. Hukum i Tuhan tua in modarit, mokopomangaḻe kon intau.

YESAYA 25:1

Tuhan, Ikobí in ki Allahku, poḷantudonku in Iko bo dayowonku in tangoi-Mu. Sin oaidan-Mu mita totok in mokoherang; Nongkon dungkuḷmai Iko in nonomayá, bo umuran mosatia in Iko in nogaid kon tua.

DANIEL 7:26

Bo pongadilan in soroga in mosidang bo morabut kon kawasanea poḷat morimumud kon inia modapot in moinggamá.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”

WAHYU 15:3

Bo mosia in nopodondong in dondong i Musa, mogogundoi i Allah, bo dondong i Adí in Domba. Nanaa in dondong tatua, “Tuhan, Allah Inta Totok in Mokawasa, totuu moḷoben bo mokoherang in bayongan inta inaidan-Mu! Datu in bayongan bangusa, totuu moadil bo mobanar in bayongan oaid-Mu!

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

WAHYU 18:3

Sin bayongan in bangusa ain nonginum kon anggur ibognea inta mokotor. Datu mita kon dunia naa ain nogaid kon kotor takinnea, bo intau mita inta modagangmai kon dunia naa nooyúondon in ibognea inta diádon kotahangan tua.”

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”