WAHYU 18:3 - Alkitab Singog In Mongondow Masa In Tanaa

³ Sin bayongan in bangusa ain nonginum kon anggur ibognea inta mokotor. Datu mita kon dunia naa ain nogaid kon kotor takinnea, bo intau mita inta modagangmai kon dunia naa nooyúondon in ibognea inta diádon kotahangan tua.”

WAHYU 18:3 Iomraidhean Croise

YESAYA 47:15

Tuata in mangaḻenea in mononoḻindap kon inimu inta mokopororigamai kon inimu nongkon mointokanpamai; kon batúannea mayá monaḷámai kon inimu; diábí in mamangoi motuḷung kon inimu.”

YEREMIA 51:34

Yerusalem in irimumud bo kinaan komintan i datu in Babel; inaotannea in kotá tatua naonda bo inta nongaot kon botoḷ. Naonda bo mahaḷuk inta moḷoben totok, iḻiomnea in Yerusalem bo nomonu kon siannea takin bayongan inta mopia nongkon kotá tatua, bodongka noḷumbú kon ki agatnea.

YEREMIA 51:7

Babel inta koina in naonda bo galas buḷawan inta kinadaian-Ku bo nokopopisí kon bayongan inta kon dunia noḷoḷangu. Bangusa mita in nonginum kon anggur nongkon galas tatua, dá mosia in nobaḻídon nobundai.

OMBAḶ 4:5

Mosia inta nobiasa nokaan kon kaanon inta mopia, bo nobiag kon bonu in kaoyúonan, tanaa in kumuádon in motayak kon kaanon kon yoyatan, bo minatoi in gogoy kon daḷan mita.

NAHUM 3:4

Niniwe sundaḷ tatua yogotdon popoḷabúan in hukuman. Koḷoḷunatnea in totok in mokoangá. Nobayong in bangusa ain sinihirnea, bo dinondouḷugan pinodoyon kon dondouḷugnea.

LUKAS 7:25

Moiko mayá mongonu? Moindoi degá kon intau inta nogiḷambung mogaga? Intau inta nogiḷambung mogaga bo inta nobiag nooyúon tampatnea in tuabí kon komaḻig!

TIMOTIUS 1 5:11

Aka boba-bobay inta diápa nongo umur yo donaaipabí poyoiapon, sin aka koaputan in ibog monia, yo mokipobuḷoibí in mosia bo taḷaanbí monia in ki Kristus.

WAHYU 14:8

Malaekat induanea in dinumudui kon malaekat inta muna bo sindaḷan mopobaḷú, “Ain noḷabú! Kotá in Babel inta moḷoben tatua ain noḷabú! Sia inta ain nopoḷoḷangu kon bayongan in bangusa takin tubig in anggur – tuata in anggur nongkon ibognea inta mokotor!”

WAHYU 17:2

Datu mita kon dunia naa ain nogaid kon inta mokotor takinnea, bo bayongan in intau kon dunia naa ain noḷoḷangu sin nonginum kon anggur inta ain kinotorannea.”

WAHYU 18:19

Dá mosia in nopoinggú in ḷobud saḷaku tanda nobaḷu. Bo mosia in nongombaḷ poḷat nogamui, “Adodoia kaasí in kobobogat in bodito in kotá moḷoben tanaa! Kaoyúonannea ain nokopobaḻí kon bayongan intau inta kokapaḷ in dagat nobiag doman nooyúon! Táe tongá kon bonu i wakutu tojam sia in kinobuḻiandon in bayongan yagi-yagi!”

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”

WAHYU 18:7

Ogoidon kon inia in roriga bo inta mokoajar kon gina inta motongkai in kobayong in kamuliaan bo kaoyúonan inta ain kinorasaannea tontaní. Sin sia in umuran moguman kon bonu in ginanea tontaní, ‘Akuoi naa in bokí inta momarenta! Akuoi naa in deemanbí mobobaḷu; akuoi in diábí mokorasa kon ajar in gina!’

WAHYU 18:9

Datu mita kon dunia naa inta noitakin nogaid kon inta mokotor takinnea bo ibog in bobay tatua, in mongombaḷbí bo mogamui kon kotá tatua aka mosia in mokoontong kon poyok mobunod nongkon tuḷú inta momokak kon inia.