WAHYU 17:2 - Alkitab Singog In Mongondow Masa In Tanaa

² Datu mita kon dunia naa ain nogaid kon inta mokotor takinnea, bo bayongan in intau kon dunia naa ain noḷoḷangu sin nonginum kon anggur inta ain kinotorannea.”

WAHYU 17:2 Iomraidhean Croise

YEREMIA 51:7

Babel inta koina in naonda bo galas buḷawan inta kinadaian-Ku bo nokopopisí kon bayongan inta kon dunia noḷoḷangu. Bangusa mita in nonginum kon anggur nongkon galas tatua, dá mosia in nobaḻídon nobundai.

NAHUM 3:4

Niniwe sundaḷ tatua yogotdon popoḷabúan in hukuman. Koḷoḷunatnea in totok in mokoangá. Nobayong in bangusa ain sinihirnea, bo dinondouḷugan pinodoyon kon dondouḷugnea.

YOHANES 2:10

bo noguman: “Biasamai intau in munabí mopoinum in anggur inta mopia totok, bo aka tamu mita mooropdon monginum, bain tua bo poḷuaiondon in anggur inta diá totok mopia. Táe ki utat in umuranbí notagú kon anggur mopia umaai in tanaa mako!”

WAHYU 14:8

Malaekat induanea in dinumudui kon malaekat inta muna bo sindaḷan mopobaḷú, “Ain noḷabú! Kotá in Babel inta moḷoben tatua ain noḷabú! Sia inta ain nopoḷoḷangu kon bayongan in bangusa takin tubig in anggur – tuata in anggur nongkon ibognea inta mokotor!”

WAHYU 17:13

Mosia naa in notobatúbí kon singog bo makusud kon moposarakan in ropot bo kawasa monia kon mahaḷuk tatua.

WAHYU 17:17

Sin gina monia sinimbayagandon i Allah sinbá mogaid kon inta kinoibog-Nea. Sinobatúdon i Allah in mosia sinbá moyopakatdon moposarakan in kawasa monia kon mahaḷuk tatua, sinbá mahaḷuk tatua in momarenta modapot in mobaḻí onu inta pinoguman i Allah.

WAHYU 17:5

Kon pogotnea in pinaisan in tangoi inta mangaḻenea “noibuni”. Tangoi tatua in “Babel inta moḷoben ki iná in bayongan bobay inta sundaḷ bo intau mita moromú kon dunia.”

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.

WAHYU 18:23

Intau mita in diá bidon mokoontong kon bayag in togá kon kotámu; bo diábí domandon kodongogan in poramean ponikaan kon tua. Podagangmu mita tua in intaubí mita moḷoben kon dunia naa, bo totaau pongonggaingmu tua in pinonguboḷmu kon bayongan in intau kon dunia naa!”

WAHYU 18:3

Sin bayongan in bangusa ain nonginum kon anggur ibognea inta mokotor. Datu mita kon dunia naa ain nogaid kon kotor takinnea, bo intau mita inta modagangmai kon dunia naa nooyúondon in ibognea inta diádon kotahangan tua.”

WAHYU 18:9

Datu mita kon dunia naa inta noitakin nogaid kon inta mokotor takinnea bo ibog in bobay tatua, in mongombaḷbí bo mogamui kon kotá tatua aka mosia in mokoontong kon poyok mobunod nongkon tuḷú inta momokak kon inia.

WAHYU 2:22

Toropdon! Pomobak-Kubí in sia dapot in motakit kon tosiugan. Kon tua in sia takin intau mita inta nonuaḻing takinnea mokorasa kon yoyiga inta mobogat totok. Tua komintan aidan-Ku bidon in tanaa, koḻikudbí in mogogaidon in mosia mogaid kon soaḷ mita inta moraat takinnea.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 9:21

Mosia in diápa doman mogogai in moḻimod, monggaing, mogaid kon inta diá patus aidan bo monakow.