WAHYU 16:7 - Alkitab Singog In Mongondow Masa In Tanaa

⁷ Bo dinongogku in singog nongkon meja pototuduan kon sosumba in noguman, “Tuhan, Allah inta Totok in Mokawasa, mobanar bo moadilbí in hukuman mita inta pinoḷabú-Mu!”

WAHYU 16:7 Iomraidhean Croise

YESAYA 6:6

Onda intua tobatú kon sigad in mahaḷuk tatua iḷumayug namangoi kon inakó nodia kon baga inta sinupitnea nongkon mezbah.

YEHEZKIEL 10:2

Onda intua ki Allah in noguman kon intau inta nogiḷambung in linen tatua, “Tuotdon kon sigad in roda mita inta kon ḻimonag in kerub mita tatua, bo gamádon in toyangkom baga in tuḷú. Bo potabudon in baga tatua kon ḻimonik in kotá.” Sia in dinumudui, bo sinaridianku.

YEHEZKIEL 10:7

Bo tobatú nongkon kerub tatua nopobonu in ḻimanea kon bonu in tuḷú inta kon yua-yuak monia, nopuyut kon tongonumai noputoḷ in baga, bo nobogoi intua kon intau inta nogiḷambung in linen tatua. Intau tatua in nogamá bodongka minayá.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”

WAHYU 14:10

yo intau tatua monginum kon anggur i Allah, tuata in torú-Nea inta ain inaḻin-Nea kon bonu in tampat-Nea, bo diábí ginaatan topiḻikpamai! Intau mita tatua in toko sikisaan kon bonu in tuḷu bo balerang kon tayowon in malaekat mita motusi bo kon tayowon Adí in Domba tatua.

WAHYU 14:18

Nopaḷut mako kon tua, tobatú malaekat ibanea, inta nongawasa kon tuḷu, namangoi nongkon meja pototuduan kon sosumba. Sia nomaḷú noropot kon malaekat inta nokadai kon sabit moḷanit tatua, “Pongaḷoidon in sabit-Mu nion bo sabitdon in bungai mita in anggur inta kon dunia sin nogurangdon mita in bungainea!”

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

WAHYU 6:9

Noiduduimai kon tua ki Adí in Domba tatua in nomukatdon kon meterai iḻimanea. Bo inontongku kon ḻimonag in meja pototuduan kon sosumba oyúon in dimukud mita in intau inta minatoi iḻimod sin popisí nopotaau in koyow i Allah inta ain pinirisaya monia.