WAHYU 16:3 - Alkitab Singog In Mongondow Masa In Tanaa

³ Onda intua malaekat induanea in nopobutak domandon bonu in palonea kon bonu in dagat, dá tubig kon dagat in nobaḻídon dugú naonda bo dugú in intau minatoi. Bo minatoidon komintan in mahaḷuk inta nobiag kon bonu in dagat.

WAHYU 16:3 Iomraidhean Croise

MAZMUR 105:29

Ongkag monia binaḷuian-Nea nobaḻí dugú, dá nodait minatoi in toyá kon bonunea.

MAZMUR 78:44

Ongkag mita monia binaḻí-Nea dugú, dá diá motaau in mosia monginum kon tubignea.

YEHEZKIEL 16:38

Hukumon-Kubí in iko popisí in pinonuaḻingan bo pinoḻimodan inta ain inaidanmu tua. Kon bonu in rogi bo torú-Ku hukumon-Ku matoi in iko.

OUMAN IN RASUL MITA 2:41

Noantó in intau in nopirisaya kon inta pinoguman i Petrus bo poḷat nokibaptis. Dodai intua intau inta nopirisaya in nodugangdon toḷu noribu in kobayongnea.

WAHYU 10:2

Sia kokada-kadai in ḻitodan buk mointok inta noibuká mako. Sioḷnea koḷanan in nomuntuk kon dagat bo sioḷnea koḷoigi in nomumtuk kon toba.

WAHYU 11:6

Oyúon in kawasa monia mogoḻingoi kon ḷangit sinbá diápa monguyan kon dodai in mosia mopotaau in Habar nongkon i Allah. Mosia inogoian doman in kawasa mongawasa kon bayongan bokaká sinbá mosia in motaau momaḷui kon tubig mobaḻí dugú; bo oyúon doman in kawasa monia mosambok kon butá naa takin mopoḷabú in bayongan inta mokororiga, toonukabí in koibog monia.

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.