WAHYU 16:2 - Alkitab Singog In Mongondow Masa In Tanaa

² Malaekat inta muna in minayá bo nopobutak bonu in palonea tatua kon tudu in butá. Dá nomukádon in bituḷ mita inta mokoondok bo mokobahaya kon intau mita inta oyúon in tanda in mahaḷuk mita tatua bo kon intau mita inta nosumba kon patongnea.

WAHYU 16:2 Iomraidhean Croise

TAWARIKH 2 21:15

Ki Tuang tontaní in kotugatanbí in takit in kompong inta muḷoi in singgai kodugang-kodugangdon in kobogatnea!”

TAWARIKH 2 21:18

Naonda in bayongan inta nobaḻí tatua, ki Tuhan in nohukum kon i Yehoram pinongin takit in kompong inta diábí mopia.

MAZMUR 78:26

Pinoki pogirupan-Nea in tompot in pomukaan; pinongin kawasa-Nea tompot in toḷatan nogirup.

YESAYA 3:17

Táe Akuoi in mohukumbí kon i monia; uḷu monia in mopuḻingbí in paḻí bo ḷogatan.”

YESAYA 3:24

Tanaa in mosia mopomaké in mongo bo mongobondu, moiduduimai mobongkogdon in bó monia. Togot in ogotan monia inta moaḷus baḷuianbí in uwoi inta mokasar. Buok in uḷu monia inta mogaga in bangkuḷuganbí. Ḷambung monia inta mongopia toḻiuanbí in inta nongoberak. Tanaa moḷunat in mosia; kon singgai moiduduimai pogot monia in diá mopia popisí in dinaḷóan.

OUMAN IN RASUL MITA 12:23

Bo kon dodaipa doman intua sinokap in malaekat i Allah in sia sin totokdon mopoompámai kon i Allah. Pangabisannea minatoi in sia bo kinaan in oḷuasi mita.

ULANGAN 28:27

Ki Tuhan in mohukumbí kon i monimu takin mopouma in bituḷ mita ná inta pinopouma-Nea kon intau mita in Mesir. Awakmu in mopuḻingdon in kekeb bo momuka inta mokokatoḷ, táe diábí in undamnea.

ULANGAN 28:35

Ki Tuhan in mopomukádon in kekeb mita inta monakit bo inta diádon mopia; nongkon sioḷ modapot in uḷu monimu mopuḻingdon in bituḷ mita.

ULANGAN 7:15

Moiko in ḷukadanbí i Tuhan nongkon bayongan in takit bo poyayúon nongkon bayongan in bodito inta inontong monimu kon Mesir, táe bodito mita tatua in popouma-Neabí kon musungmu mita.

WAHYU 13:12

Kon tayowon in mahaḷuk inta muna tatua, sia nopomaké in kawasa nea inta moḷoben inta nouḻínea doman nongkon mahaḷuk tatua. Bayongan in butá naa bo bayongan inta nogutun kon tudunea, pinakisanea mosumba kon mahaḷuk inta muna tatua, inta kekebnea mobogat ain nopia.

WAHYU 14:16

Bo Sia inta iḻimitú kon tudu in goḷom tatua nopongaḷoi domandon in sabit-Nea kon dunia naa, bo sinoinutneadon bungai in dunia naa.

WAHYU 14:9

Malaekat intoḷunea dinumudui doman kon malaekat taya dua tatua bo sindaḷan doman nopobaḷú noropot, nanaa, “Intau inta mosumba kon mahaḷuk tatua takin patongnea, bo oyúon tanda in mahaḷuk tatua kon pogot ande kon ḻimanea,

WAHYU 16:1

Bo akuoi in nokodongog kon singog moḷoben nongkon bonu in Baḷoi Allah noguman kon malaekat pitu tatua, “bayádon bo pobutakdon bonu in palo in torú i Allah inta pitu tanion kon tudu in butá!”

WAHYU 16:11

Bo mosia in mogodi-godimai kon i Allah inta kon soroga lantaran nakitea bo lantaran bituḷ mita monia. Táe umpaka natua mosia in doíbí doman mogogai in mogaid kon inta mongoraat.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.

SAMUEL 1 5:6

Onda intua ki Tuhan nohukum kon intau mita in Asdod bo kon butá mita inta kon diugneamai pinopoumaan-Nea in bobentuḷ mita kon awak monia.

SAMUEL 1 5:9

Táe naonda in poti tatua noidapot kon tatua, ki Tuhan nohukum kon kotá tatua doman bo nopomuká in inta mokodoḻiok totok. Intau mita inta kon kotá tatua, pinomayá inta nongobagupa andeka inta ain noguyang ihukum takin pinopoumaan in bobentuḷ mita kon awak monia.