WAHYU 16:16 - Alkitab Singog In Mongondow Masa In Tanaa

¹⁶ Onda intua dimukud mita tatua in nosipun kon datu mita tatua kon tampat inta kon bahasa Ibrani sinangoian Harmagedon (Tampat poyoyangan/pomutúan.)

WAHYU 16:16 Iomraidhean Croise

TAWARIKH 2 35:22

Táe ki Yosia in noḷongasibí moḷawang, bo doí dumudui kon onu inta pinoguman i Allah pinongin i Datu Nekho. Ki Yosia in nogiḷambung in ḷambung ibanea bo sinumuot kon parang kon ḷopá in Megido.

ZAKHARIA 12:11

Kon singgai tatua oyúonbí in ombaḷ motoyang kon Yerusalem, naonda bo amui kon Hadad-Rimon Kon Ḷopá in Megido.

YOHANES 19:13

Nokodongogmai kon natua, pinoki diadon i Pilatus iḷumuai in ki Yesus, bo minayádon in sia iḻimitú kon kadera pongadilan inta sinangoian Taḷog Batu (Litostrotos). (Kon bonu in bahasa Ibrani sinangoian Gabata.)

YOHANES 19:17

Ki Yesus iḷumuai takin kopota-potaan in kayu pinoyotaḻempang popopakúan kon i-Nia bo nopobayá in tampat inta sinangoian “Tampat in Ḷungkaká”. (Kon bonu in bahasa Ibrani sinangoian Joljuta.)

YOHANES 5:2

Kon Yerusalem kon diug in tampat inta sinangoian “Ngara in Domba” oyúon in tobatú tabang, inta aka kon bonu in bahasa Ibrani sinangoian Betesda. Kon tua ḻima in tampat pobobarasanangan.

OUMAN IN RASUL MITA 26:14

Dá nongoumpag kon butá in kami. Onda intua nokodongog kon singog in akuoi kon bonu in bahasa Ibrani, ‘Saulus, Saulus! Nongonu sin umuranbí pogutúonmu in Akuoi? Umuranbí mororiga iko aka umuran moḷawang kon i-Nia inta nobaḻí ki Tuangmu.’

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).

HAKIM MITA 4:7

Bain baḻíon-Ku in ki Sisera, panglima in parang i Yabin tua, mamangoi kon i monimu kon Ongkag in Kison takin tontaranea bo kereta mita in parangnea sin momarang kon i monimu. Táe popountung-Kubí in moiko kon poparangan tatua.’ ”

HAKIM MITA 5:19

Kon Taanakh, kon diug in ongkag in Megido, datu mita noparang, datu mita in Kanaan irumopotdon totok, táe kon pinoparangan tatua mosia in diábí nogagow kon saḷaka.