WAHYU 15:4 - Alkitab Singog In Mongondow Masa In Tanaa

⁴ Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

WAHYU 15:4 Iomraidhean Croise

MAZMUR 105:7

Ki Tuhan in ki Allah naton, onu inta sinantú-Nea in popoaidbí kon sinangkub in dunia.

MAZMUR 111:9

Sia in nopoḷuat kon umat-Nea, bo nomia kon dodandian mononoi takin i monia. Sia tua in ki Tuhan inta mokudus bo motorindog!

MAZMUR 22:23

Aid-Mu in oumanonkubí kon i utatku mita; kon bonu in poyodungkuḷan in umat-Mu akuoi in modayow kon ini-Mu.

MAZMUR 22:27

Inta nobiag nobogá in mongaanbí modapot in mobotug; intau inta mamangoi kon i Tuhan in modayowbí kon i-Nia. Igumon mako moiko in umuran mobiag motompia modapot in mononoi!

MAZMUR 22:3

O Allahku, akuoi in nokuani kon tungkuḷ in singgai, táe Iko in tantúbi kibio-biómai. Akuoi in nosambayang doḷom, ginaku diá doman moodom.

MAZMUR 86:9

Bayongan in bangusa inta pinomia-Mu in mamangoibí, o Tuhan, sin mosumba kon ini-Mu bo mopoḷantud kon ini-Mu.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

MAZMUR 97:8

Intau mita inta nogutun kon Sion bo kon kotá mita in Yohuda in nosanang naonda in nokodongog kon onu inta sinantú i Tuhan.

MAZMUR 99:5

Poḷantudon in ki Tuhan Allah naton, dokódon kon tayowon in pomomarentaan-Nea. Mokudusbí in Sia!

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

YESAYA 24:15

bo intau mita kon dotá in toyopan in modayowbí kon i-Nia. Intau mita inta kon bingkí in dagat in mopoḷantudbí kon i Tuhan Allah in Israel.

YESAYA 25:3

Iko in dayowonbí in bangusa mita inta moropot, bo koondok kon kotá mita in bangusa mita inta moromú.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

YESAYA 45:23

Akuoi in ain nodandi, bo dandi-Ku in diábí motaau inggamáan; podoyon kon i-Nakó tontaní Akuoi in mongibot: Pomuḷoi in intau in tumungkudbí kon tayowon-Ku, bo kon bonu in tosingogonnea tontaní modandi kon mosatia kon i-Nakó.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 6:3

Mosia in nosigumanan tobatú bo tobatú: “Kudus, kudus, kudus. Mokudusdon in ki Tuhan Inta Totok in mokawasa. Butá nopuḻing in kinoangoian-Nea inta momulia.”

YESAYA 60:5

Mokoontongmai kon natua moherang in iko bo pogotmu in motarimbuka; Moitongau in iko bo moḷoben in gina. Kapunyaan in bangusa mita diaan kon inimu, kaoyúonan nongkon ḷoḷan in dagat momuḻing kon inimu.

YEREMIA 10:7

Ki ine in doí mopirisaya kon ini-Mu, datu in bayongan bangusa? Totuu, Iko in patusbí totok in horomaton. Nongkon bayongan inta mopandoi kon sigad in bangusa mita bo nongkon bayongan in datu mita monia, diábí in tobatúmai in motaau popotongkaian kon ini-Mu o Tuhan.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

HABAKUK 1:12

Tuhan, nongkon koḻipodpabímai Ikobí in ki Allah. Iko in ki Allahku inta motusi bo mononoi. Tuhan, Allahku bo moḷoḷukadku, bangusa in Babel tatua in piniḻí-Mu bo binaḻí-Mu noropot sin mohukum kon inami.

ZAKHARIA 14:16

Onda intua bayongan in intau inta nobiagpa kon sigad in bangusa mita inta nonubu kon Yerusalem, in mayádon in kotá sin mosumba kon i Datu, ki Tuhan Inta Totok in mokawasa, bo morame kon singgai Moḷoben Ḷuḷung Daun.

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

SURAT I PAULUS KON JAMAAT RUM 15:9

Pinomia doman i Yesus in bangusa mita ibanea mopomulia kon i Allah popisí kopopia in gina-Nea kon i monia. Kon bonu in Buk Motusi in pinais nanaa, “Tuamai akuoi in modayow kon ini-Mu kon sigad in bangusa mita, akuoi in mopodondongbí in dodayowku podayow kon tangoi-Mu.”

PETRUS 1 1:16

Kon bonu in Buk Motusi in pinais nanaa: “Kotusibí in moiko, sin Akuoi in motusi.”

WAHYU 11:15

Bo malaekat impitunea in nogirup kon torompetnea, dá kinodongogandon in singog mita inta mongoḷangon totok nongkon soroga noguman, “Kawasa momarenta kon dunia naa, masai naa kinadaiandon i Tuhan naton, bo i Datu mopoposaḷamat inta pinodandi-Nea. Sia bidon in momarenta modapot in mononoi!”

WAHYU 14:7

Malaekat tatua in nomaḷú noropot totok, nanaa: “Koondokdon kon i Allah, bo pomuliadon in Sia! Sin naadon in wakutu i Allah mohakim kon dunia. Sumbadon in Sia inta ain nomia kon ḷangit, butá dagat bo bayongan in bokaká!”

WAHYU 16:5

Bo dinongogku in malaekat inta nongawasa kon tubig, noguman nanaa, “Hukuman inta pinoḷabú-Mu tua in moadil, oo Allah Inta Totok in Motusi, Allah inta oyúon bo inta aindon oyúon!

WAHYU 16:7

Bo dinongogku in singog nongkon meja pototuduan kon sosumba in noguman, “Tuhan, Allah inta Totok in Mokawasa, mobanar bo moadilbí in hukuman mita inta pinoḷabú-Mu!”

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

WAHYU 19:8

Pakeang moaḷus mobudó inta mopouḻi-uḻinag inogoidon kon i-Nia sin pakéon.” (Pakeang moaḷus tatua in oaidbí mita mopia inta pinomia in umat mita i Allah.)

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.

WAHYU 4:8

Mahaḷuk opat tatua komintan onom in koḻikipnea, kon ḻibunea bo kon dotá in bonunea nopuḻing in mata. Doḷom singgai mahaḷuk mita tatua diá mogoga-gogai in modondong nanaa: “Kudus, kudus, mokudusdon in ki Tuhan, Allah Inta Totok Mokawasa; inta oyúon, inta koyongandon oyúon, bo inta umuranbí oyúon.”

WAHYU 6:10

Mosia in nomaḷú noropot in noguman, “O Tuhan inta totok in Mokawasa, inta mokudus bo inta mobanar! Naondapa degá in koonggotnea bo adilon-Mu in intau mita kon dunia naa, bo hukumon-Mu in mosia inta noḻimod kon inami?”

SAMUEL 1 2:2

Diábí inta motusi ná ki Tuhan! Tongábí Sia in pononiungan.