WAHYU 13:8 - Alkitab Singog In Mongondow Masa In Tanaa

⁸ Mahaḷuk tatua sumbáanbí in bayongan intau inta nobiag kon dunia naa. Intau mita inta diápa kinopaisan in tangoi monia kon bonu in buk kobiagan inta kapunyaan i Adí in Domba inta ain iratá, pinangkoipamai kon dunia naa diápa pinomia.

WAHYU 13:8 Iomraidhean Croise

KINOBAḺIAN 22:7

ki Ishak in noḻibó, “Papa!” Ki Abraham notubag, “Nongonu uḻeku?” Ki Ishak in noḻibó, “Kita ain nodia kon tuḷú bo kayu, táe ondabí in ki adí in domba inta pakéon kuruban tubáan tua?”

MAZMUR 69:28

Biódon mako in taḷá monia modugangdon mobayong; dikabí pobanaron in mosia.

IḶUAIAN 32:32

Akuoi mopoigum totok sinbá ki Tuhan moibogpa mongampung kon dosa monia; aka diá dá popataidon in tangoiku kon bonu in buk intau mita nobiag.”

YESAYA 4:3

Bayongan in intau inta kinotaḷáan kon Yerusalem, intau mita inta piniḻí i Allah sin posaḷamaton, tangoidon motusi.

DANIEL 12:1

Malaekat inta nogiḷambung in pakeang linen tatua in noguman bui, “Kon dodai intua moitukatbí in malaekat moḷoben ki Mikhael moḷoḷukad kon bangusamu. Onda intua moiangoi in sempo in roriga inta diá in poḻiuan pinangkoi kon oyúondon in bangusa mita. Táe bayongan in intau nongkon bangusamu inta tangoinea pinais kon buk i Allah, in posaḷamatonbí.

MATIUS 25:34

Bo Datu tatua in moguman kon i monia inta kon dotá in koḷanan-Nea, ‘Igai, in moiko inta binarakatan i Amá-Ku, tuotdon kon dodatuan inta aindon sinadia kon i monimu kon wakutupa in dunia naa bagupa binaḻí.

LUKAS 10:20

Tongá umpakabí natua, yo dikabí mopia-pia in gina monimu sin moondok in dimukud moraat kon i monimu. Naabí in patus mokopia kon gina monimu, tangoimu aindon pinais kon soroga.”

YOHANES 1:29

Nopoikoḷomai kon singgai, indoianmai Yohanes ki Yesus namangoi kon inia. Bo ki Yohanes in noguman, “Indoiai, tuata in ki Adí in Domba i Allah inta momopat kon dosa in dunia.

EPESUS 1:4

Kon tungkuḷ in dunia naa diápa pinomia kita in koyongandon piniḻí i Allah pinongin i Kristus takin makusud bá kita in mobaḻí kapunyaan-Nea inta tongá mosumba kon i-Nia bo mogaid kon onu inta pinarenta-Nea. Lantaran ki Allah motabi,

PILIPI 4:3

Bo poigumonku kon i monimu Sunsugos, yobayatku inta totok in mosatia, tuḷungai in mosia, sin mosia noramujidon totok in nogaid takinku nopotaau in Habar Mopia inta nongkon i Allah; mosia tua naonda bo tai Klemen bo bayongan in intau inta nogaid noyotakinku. Tangoi monia tua in pinaisdon kon bonu in Buk Intau Nobiag.

TITUS 1:2

Totundú tatua in pinodoyonbí kon harapan kon kita in motarimabí kon kobiagan inta mopia bo mononoi. Kobiagan tatua in pinodandi bidon i Allah kon tungkuḷ in dunia naa diápa pinomia. Ki Allah in diábí monguboḷ.

WAHYU 12:15

Dá uḷag tatua in noporoput in tubig moḷoben naonda bo ongkag. Pinoroputnea kon bobay tatua sinbá moḷomot kon tubig tatua.

WAHYU 13:12

Kon tayowon in mahaḷuk inta muna tatua, sia nopomaké in kawasa nea inta moḷoben inta nouḻínea doman nongkon mahaḷuk tatua. Bayongan in butá naa bo bayongan inta nogutun kon tudunea, pinakisanea mosumba kon mahaḷuk inta muna tatua, inta kekebnea mobogat ain nopia.

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.

WAHYU 21:27

Táe intau mita inta nogaid kon soaḷ mita inta mokorongó, ande intau mita inta mongouboḷ, yo singogon mako mopoḷok, mosia inta nogaid kon mokotor, diábí moituot kon tua. Inta motaau tumuot in tongábí intau inta tangoinea in pinais kon bonu in Buk Intau Nobiag, buk i Adí in Domba tatua.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 3:20

Indoiai! Akuoi in sinimindog kon tayowon in ḷoḻingkop bo nonangkokó. Aka oyúon in intau nokodongog kon singog-Ku bo momukat kon ḷoḻingkop; dá tumuot in Akuoi bo mokipodungkuḷ kon inia bo mongaan moyotakin in kaminda.

WAHYU 3:5

Mosia inta mountung ḷambungan in ḷambung mobudó natua. Tangoi monia in diábí popaton nongkon Buk Intau Nobiag. Bo akúon-Kubí in mosia kon tayowon i Amá-Ku bo malaekat-Nea mita kon Akuoibí in kitogi kon i monia tua.

WAHYU 5:12

Bo mosia in nodondong noropot nanaa, “Ki Adí in Domba inta ain iratá tatua, patusbí motarima kon kawasa, kaoyúonan, kabijaksanaan bo ropot; Sia in patusbí horomaton, poḷantudon bo dayo-dayowon!”

WAHYU 5:13

Bo akuoi in nokodongog kon bayongan in mahaḷuk kon ḷangit, kon butá, kon ḻimonag in butá; kon bonu in dagat--singog mopoḷok mako bayongandon mahaḷuk kon dunia naa, nodondong nanaa, “Sia inta iḻimitú kon tampat pomomarentaan tatua bo ki Adí in Domba tatua, mosia tuata inta popoyaputan in bayongan dodayow, horomat, poḷantudon bo mokawasa modapot in mononoi!”

WAHYU 6:1

Onda intua inontongku ki Adí in Domba tatua noḷosi kon meterai muna inta kon sigad in meterai pitu tatua. Bo dinongogku in tobatú mahaḷuk inta kon sigad in mahaḷuk opat tatua in noguman, “Igai!” Singog-Nea naonda bo singog in gotup.