WAHYU 13:4 - Alkitab Singog In Mongondow Masa In Tanaa

⁴ Mosia in nosumba kon naga tatua, sin sia in nobogoi in kawasa kon mahaḷuk tatua. Mosia in nosumba doman kon mahaḷuk tatua takin noguman, “Diábí in notongkai mahaḷuk tanaa! Diábí in monahang in tumayow moparang takinnea naa!”

WAHYU 13:4 Iomraidhean Croise

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

YESAYA 46:5

Ki ine in popotongkaianmu kon i-Nakó? Oyúon degá in motaau potongkaion kon i-Nakó?

KORINTUS 2 4:4

Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

ULANGAN 9:2

Intaunea mita mongoḷoben bo mongotorindog in awak monia; mosia tua in tuyá, bo dinongogdon monimu kon diábí tobatúmai in mokotaḷow kon i monia.

TESALONIKA 2 2:4

Takin kaḷakuang sia in moḷawang bo dumodia kon bayongan inta sinumba in intau, ande bayongan ilah inta inanggap in intau ki Allah. Modapot in sia ḻimitú kon bonu in Baḷoi i Allah bo mongaku kon sia tua kain in ki Allah.

WAHYU 12:3

Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.

WAHYU 12:4

Iputnea pinomorotnea, sahingga sepertiga in tundi nongototak kon butá. Naga tatua in simindog mako kon tayowon in bobay inta koyogot mononggadí tatua; sin monomayá moḻiom kon adí tatua aka pononggadídon i inánea.

WAHYU 13:11

Bo akuoi in buidon nokoontong kon tobatú mahaḷuk ibanea inta noitukat nongkon bonu in butá. Doyowa in tungoinea, naonda bo tungoi in ki adí in domba. Singognea naonda bo singog in naga.

WAHYU 13:15

Mahaḷuk tatua inogoian doman in kawasa mobogoi in nyawa kon patong tatua, sahingga in motaaudon mosingog in patong tatua bo moḻimod kon bayongan in intau inta doí mosumba kon inia.

WAHYU 13:2

Mahaḷuk inta inontongku tua, batangannea in naonda bo macan tutul, sioḷnea naonda bo sioḷ in boruang, bibignea naonda bo bibig in singa. Mahaḷuk tatua inogoian i naga in ropot, inogoian in tampat pomomarentaannea bo kawasa inta moḷoben.

WAHYU 17:14

Mosia in noyopakat kon moparang kon i Adí in Domba tatua. Táe ki Adí in domba tatua takin dumodudui-Nea mita inta mosatia bo inta ain inoiní bo piniḻí-Nea tatua in monaḷow kon datu mita tatua, sin Siata in Tuang in bayongan tuang, bo Datu in bayongan datu.”

WAHYU 18:18

Bo nomaḷú wakutu in mosia nokoontong kon poyok mobunod nongkon tuḷú inta nomokakak kon kotá tatua. Mosia in nomaḷú, “Diábí kon dodai in onda oyúon in kotá ibanea ná kotá inta moḷoben tanaa!”

WAHYU 9:20

Táe intau mita ki agatnea inta diá minatoi in roriga tatua in doípabí doman in mogogai mogaid kon inta diá nopia inta biasamai aidan monia. Mosia in umuran mosumba kon dimukud mita moraat bo berhala mita inta pinomia nongkon buḷawan, saḷaka, tambaga, batu bo kayu inta diá mokoontong, diá mokodongog bo diá doman mokobayá.

SAMUEL 1 17:24

Naonda in intau in Israel nokoontong kon i Goliat, mosia noḷagui takin ondok.