WAHYU 13:3 - Alkitab Singog In Mongondow Masa In Tanaa

³ Tobatú kon sigad in uḷu pitu in mahaḷuk tatua koontongan naonda bo kekeb inta mobogatdon totok, táe kekeb tatua in nopiadon. Bayongan tombonu in dunia naa, nodait dinumudui kon mahaḷuk tatua takin nohera-herangan.

WAHYU 13:3 Iomraidhean Croise

YEHEZKIEL 30:24

Bo irotonan-Ku in kokaḷ i datu in Babel, bo popokadai-Ku kon ḻimanea in kedang-Ku. Táe kokaḷ i datu in Mesir in putoḷon-Kubí dá kumarak in sia bo matoi kon tayowon i datu in Babel, musungnea.

LUKAS 2:1

Kon wakutu intua ki Kaisar Agustus nomarenta nokipais in tangoi in bayongan intau kon dodatuan in Rum.

YOHANES 12:19

Dá intau mita in Parisi mulaidon nosigumanan, “Diá mokopongonu in kita! Indoiaika bayongan in intau kon dunia naa mayá dumudui kon i-Nia!”

OUMAN IN RASUL MITA 8:13

Ki Simon in nopirisayadon doman. Bo naonda in sia binaptis, sia umuran dumudu-dudui mako kon i Pilipus. Soaḷ mita inta mokoherang inta inaidan i Pilipus totok mokoherang kon i Simon.

WAHYU 13:12

Kon tayowon in mahaḷuk inta muna tatua, sia nopomaké in kawasa nea inta moḷoben inta nouḻínea doman nongkon mahaḷuk tatua. Bayongan in butá naa bo bayongan inta nogutun kon tudunea, pinakisanea mosumba kon mahaḷuk inta muna tatua, inta kekebnea mobogat ain nopia.

WAHYU 13:14

Bo bayongan in intau inta nobiag kon dunia naa akaḷannea in aidnea inta pinomianea kon tayowon in mahaḷuk inta muna tatua. Mosia in pinoki aidannea in patong mahaḷuk inta ain kinekeban in pitow, táe umuranpa nobiag.

WAHYU 17:10

ḻima nongkon sigad monia tua ain noḷabú, tobatú in nomarentapa, bo tobatú doman in diápa namangoi. Aka sia in mamangoi, yo momarentapa motoyong in sia.

WAHYU 17:11

Bo mahaḷuk inta perna nobiag koḻipod, táe diádon in tanaa mako, tua in datu inta iwaḷunea. Sia tua in tobatúbí doman datu kon sigad nayapitu tua, inta masa naa koyogot mayá in tampat koyoyangan monia.

WAHYU 17:13

Mosia naa in notobatúbí kon singog bo makusud kon moposarakan in ropot bo kawasa monia kon mahaḷuk tatua.

WAHYU 17:17

Sin gina monia sinimbayagandon i Allah sinbá mogaid kon inta kinoibog-Nea. Sinobatúdon i Allah in mosia sinbá moyopakatdon moposarakan in kawasa monia kon mahaḷuk tatua, sinbá mahaḷuk tatua in momarenta modapot in mobaḻí onu inta pinoguman i Allah.

WAHYU 17:6

Bo inontongku in bobay tatua noḷoḷangu in dugú in umat mita i Allah bo dugú in intau mita inta nobaḻí sakusi mita i Yesus. Naonda inontongku in bobay mita tatua, noherangdon totok in akuoi.

WAHYU 17:8

Mahaḷuk tatua nokoimontan bidon in nobiag in koḻipod, táe masai naa in diádon, tongá topípabí bo ḷumuai in sia nongkon tampat pohohukuman kon irang bo sia in mopobayádon in tampat koyoyangan. Intau mita kon dunia naa inta diá pinais in tangoi monia kon bonu in buk intau nobiag mulaipa kon dunia naa diápa pinomia, yo moherangbí aka mokoontong kon mahaḷuk tatua. Sin mahaḷuk tatua koḻipod in pernabí nobiag, táe tanaa in diá bidon, tongá buidon moitukat.