WAHYU 12:8 - Alkitab Singog In Mongondow Masa In Tanaa

⁸ Táe sinaḷow in naga tatua, dá sia takin in malaekatnea mita diádon inogoi nogutun kon soroga.

WAHYU 12:8 Iomraidhean Croise

AYUB 20:9

Sia in diádon ontongon in mata; sia in diá bidon kon pogogutunannea.

AYUB 8:18

Táe, tungkuḷaika, rabut in tanaa mako in padang tatua, dá naonda bo diábí kon dodai in onda in sia in kon tua.

MAZMUR 129:2

“Akuoi in pinogutú in musung pinangkoi kon nobagupa in akuoi, táe mosia in diábí nokotaḷow kon inakó;

MAZMUR 13:4

Indoiaidon in akuoi, kaasí o Tuhan Allahku, tubagaipa kaasí in sambayangku. Poguḻídon in ropotku, bo dikadon pomayá mako in akuoi matoi.

MAZMUR 37:10

Intau moraat in ḷagibí moinggamá, aka tayakon, yo diá bidon in sia.

YEREMIA 5:22

Akuoibí in ki Tuhan; nongonu sin diábí in moiko moondok kon i-Nakó? Mustibí in moiko mourot kon tayowon-Ku! Akuoibí inta ain nomia kon bingkí in dagat nobaḻí tonsigad in dagat inta diábí koḻimpatannea modapot in mononoi. Dagat in monomburábí bo bokoḷ in mondangatbí táe diábí mokoḻimpat kon tonsigad tatua.

MATIUS 16:18

Bo Akuoi in moguman doman kon inimu, iko in ki Petrus, kon tudu in batu karang tanaa posindogon-Ku in jamaat-Ku; bo diábí in mokotaḷow umpakabí popatoi!

YUDAS 1:6

Torop domandon in malaekat mita inta iḻimimpat kon kawasa inta inogoi kon i monia, sahingga in minayá nonaḷámaidon kon tampat pogogutunan monia. Mosia tua in sinoko togot i Allah in rante inta diá mobonto-bontow kon bonu in tampat inta mosindip kon ḻimonag in butá. Mosia in umuranpabí sinahang kon tua modapot in hukuman popoḷabúdon kon i monia kon Singgai inta ponantúandon.

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

WAHYU 12:7

Onda intua kon soroga nobaḻídon in parang. Ki Mikhael takin malaekatnea mita noparang kon naga tatua. Naga tatua in binantungan doman in malaekatnea mita noparang takin i Mikhael.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.