WAHYU 12:3 - Alkitab Singog In Mongondow Masa In Tanaa

³ Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.

WAHYU 12:3 Iomraidhean Croise

YESAYA 27:1

Kon dodai intua ki Tuhan in momakébí in pitow-Nea inta moropot bo moḷanit sin mohukum kon Lewiatan, uḷag inta ḷumandai bo iḻimibo-ḻibod tua, bo moḻimod kon naga in dagat.

YESAYA 51:9

Sindogdon o Tuhan, tuḷungaidon in kami, posaḷamatdon in kami in kawasa-Mu. Sindogdon ná kon tungkuḷ intua kon tungkuḷ in iko nomutuk kon i Rahab bo nonumbuk kon naga in dagat tatua nodapot in minatoi.

YESAYA 9:15

Itoi mita in bangusa tatua ain nopoḷaḻe bo nopodoḻiok kon rayat.

DANIEL 2:41

Sioḷ bo gongguyamú in sioḷ in patong inta tongopongkó nongkon butá ḷamentong bo tongopongkó in uatoi tatua, mopoontong kon singgai moiduduimai dodatuan tatua in mosila-silai. Dodatuan tatua oyúon doman in ropotnea sin butá ḷamentong binaukan in uatoi.

DANIEL 2:42

Gongguyamú mita in sioḷ inta tongosilai nongkon uatoi bo tongosilai nongkon butá ḷamentong mangaḻenea kon oyúon in tongosilai in inta moropot bo oyúon doman in moyangkó.

DANIEL 7:20

Ibogonku in kotaauanku doman in soaḷ tungoi mopuḷú kon uḷunea bo soaḷ tungoi nointok inta nomuká noiduduimai bodongka norabut kon tungoi toḷu inta nobiag muna tua. Tungoi nointok tatua in komata bo bibignea in mongonguman kon ambungangaḷ takin iḷumoḷatú. Sia in mokokoningkim totok noiḻiu kon tungoi mita ibanea tatua.

DANIEL 7:24

Tungoi mopuḷú tatua in datu mopuḷú inta nomarenta kon dodatuan tatua. Onda intua datu tobatú ibanea in moiangoi; sia in moyoposibí totok in datu mita inta muna, bo sia in monaḷowbí kon datu taya toḷu.

WAHYU 12:1

Bo kinoontongandon kon ḷangit in tobatú tanda mokoherang inta totok in motoyang. Tobatú bobay inta nopogiḷambung mata in singgai, simindog mako kon tudu in buḷan. Kon uḷunea oyúon in bandow inta pinopobandangan in tundi mopuḷú bodoyowá.

WAHYU 12:13

Kon wakutu in naga tatua nosadardon kon sia ain pinogonag kon butá, mulaidon in sia mogaḷow kon bobay inta nopononggadí in adí ḷoḷaki tatua.

WAHYU 12:17

Naga tatua totokdon in sinumorú kon bobay tatua, sahingga minayá nogaḷow kon buí in bobay tatua inta ibanea. Mosia inta umuran dinumudui kon parenta i Allah bo inta nobogoi in kosakusian soaḷ ki Yesus bo kawasa-Nea.

WAHYU 12:4

Iputnea pinomorotnea, sahingga sepertiga in tundi nongototak kon butá. Naga tatua in simindog mako kon tayowon in bobay inta koyogot mononggadí tatua; sin monomayá moḻiom kon adí tatua aka pononggadídon i inánea.

WAHYU 12:7

Onda intua kon soroga nobaḻídon in parang. Ki Mikhael takin malaekatnea mita noparang kon naga tatua. Naga tatua in binantungan doman in malaekatnea mita noparang takin i Mikhael.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

WAHYU 13:1

Onda intua akuoi in nokoontong kon tobatú mahaḷuk inta iḷumuai nongkon bonu in dagat, mopuḷú in tungoinea bo pitu in uḷunea. Pomuḷoi in tungoi oyúon in mahkota, bo pomuḷoi in uḷu pinaisan tangoi mita inta pohojat kon i Allah.

WAHYU 13:2

Mahaḷuk inta inontongku tua, batangannea in naonda bo macan tutul, sioḷnea naonda bo sioḷ in boruang, bibignea naonda bo bibig in singa. Mahaḷuk tatua inogoian i naga in ropot, inogoian in tampat pomomarentaannea bo kawasa inta moḷoben.

WAHYU 13:4

Mosia in nosumba kon naga tatua, sin sia in nobogoi in kawasa kon mahaḷuk tatua. Mosia in nosumba doman kon mahaḷuk tatua takin noguman, “Diábí in notongkai mahaḷuk tanaa! Diábí in monahang in tumayow moparang takinnea naa!”

WAHYU 15:1

Noiduduimai kon tua, inontongku kon ḷangit in tobatú soaḷ inta mokoherang totok bo diá in poḻiuan kon tua. Pitu in malaekat, bo pitu doman in roriga pangabisan. Naadon in pangabisan totok ki Allah mopoḷuai in torú-Nea.

WAHYU 16:13

Bo akuoi nokoontong kon dimukud moraat toḷu, inta naonda bo batangan in tumpaḷak. Tumpaḷak mita tatua iḻumuai nongkon bibig in naga, nongkon bibig in mahaḷuk bo nongkon bibig in intau inta mongaku nabi, táe deemanbí totuu nabi.

WAHYU 17:12

Tungoi mopuḷú inta inontongmu tua in datu mopuḷú inta diápa nomangkoi nomarenta. Táe mosia ogoianbí in kawasa momarenta saḷaku datu moyotakin in mahaḷuk tatua kon bonu in tojam koonggotnea.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

WAHYU 17:7

Dá malaekat tatua in noḻibó kon inakó nanaa, “Nongonu sin iko in moherangbí? Yo pogumankudon kon inimu onu inta noibuni kon bobay tatua bo onu inta noibuni kon mahaḷuk inta sinakoiannea tatua, mahaḷuk inta pitu in uḷu bo mopuḷú in tungoi.

WAHYU 19:12

Matanea in naonda bo dokot in tuḷú, bo kon uḷunea pinakéan in mahkota mobayong. Kon awaknea pinaisan in tangoi, bo tongábí sia in nonotaau kon tangoi tatua.

WAHYU 20:2

Bo dinomoknea in naga tatua inta uḷag guranga, inta Ibilis ande dimukud moraat tatua bo sinokignea in rante tatua toribu notaong in koonggotnea.