WAHYU 12:1 - Alkitab Singog In Mongondow Masa In Tanaa

¹ Bo kinoontongandon kon ḷangit in tobatú tanda mokoherang inta totok in motoyang. Tobatú bobay inta nopogiḷambung mata in singgai, simindog mako kon tudu in buḷan. Kon uḷunea oyúon in bandow inta pinopobandangan in tundi mopuḷú bodoyowá.

WAHYU 12:1 Iomraidhean Croise

TAWARIKH 2 32:31

Bo kon tungkuḷ in totabá mita inta nongkon Babel namangoi sin moḻibó kon inia kon kinopopia in takitnea inta mokoherang, ki Tuhan nopomayá kon i Hizkia nogaid tontaní, sinbá motaau monungkuḷ kon ginanea.

MAZMUR 104:2

bo kinoḷubungan in sindar. Iko in nomukat kon ḷangit naonda bo ḷoḷaigan,

MAZMUR 84:11

Mopia-piabí kon tosinggai in kon Baḷoi-Mu dika in toribu nosinggai kon tampat ibanea. Piniḻíku in mobaḻí moḷoḷukad kon ngara in Baḷoi i Allahku dika in mogutun kon baḷoi in intau moraat.

DONDONG MOḶANTUD 6:10

Ki ine in sia inta namangoi naonda bo bayag doḷo-doḷom, ná kogaga in moḷoben, ná kobayag in mata in singgai? Sia totok in mokoangá, naonda bo tontara mita kokada-kadai in bandera monia.

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

YESAYA 62:3

Iko in mobaḻí naonda bo mahkota mogaga kon ḻima i Tuhan, mahkota in dodatuan kon ḻima i Allahmu.

ZAKHARIA 9:16

Aka singgai tatua moiangoi, ki Tuhan in moposaḷamatbí kon umat-Nea, naonda bo gombala moposaḷamat in dombanea nongkon anib. Mosia in monindarbí kon butá i Tuhan, naonda bo permata mahkota inta mopouḻi-uḻinag.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

MATIUS 12:38

Kon wakutu intua tongonumai degá in intau mototundú kon agama bo intau mita in Parisi noguman kon i Yesus, “Guru, kami in moibog moindoi kon tobatú tanda nongkon ini-Mu.”

MATIUS 24:30

Kon wakutu intua ontongondon in tanda in Adí Intau kon ḷangit. Bo komintan intau kon dunia naa mogamui bo mosia in mokoontong kon Adí Intau tatua mamangoi mongin ḻimonik in goḷom kon ḷangit takin bayongan kawasa bo kamuliaan-Nea.

MARKUS 13:25

Tundi mita moḷabú nongkon ḷangit, bo bayongan in mongongawasa kon baḷangon motombauk.

LUKAS 21:11

Kon bayongan tampat mobaḻí in yagi-yagi. Ḻinug inta moropot totok, malarat moḷoben bo panyaki mita. Kon ḷangit mobaḻí in soaḷ mita inta totok in mokodoit.

LUKAS 21:25

“Bo tandanea in koontonganbí kon mata in singgai, kon buḷan bo kon tundi. Kon dunia naa, bayongan in intau mongoondok bo mongotoboḻingo in mokoontong bo mokodongog kon singog in bokoḷ.

YOHANES 3:29

Nonikaan bobay tatua in kapunyaanbí in nonikaan ḷoḷaki. Yobayat in nonikaan ḷoḷaki tatua tongábí simindog moyotakinnea bo mokidongog, bo mopia in ginanea aka mokodongog kon singog in nonikaan ḷoḷaki. Natuabí doman in akuoi. Mopiadon totok in ginaku in tanaa.

OUMAN IN RASUL MITA 2:19

Bo Akuoi in mogaid kon oaidan mita inta totok in mokoherang kon ḷangit, bo tanda mita kon butá naa; bo oyúonbí in dugú bo tuḷu bo poyok mobunod.

SURAT I PAULUS KON JAMAAT RUM 13:14

Pomayádon mako bá ki Tuhan Yesus Kristus in monantú kon onu in musti aidan monimu. Bo dika dumudui kon ibog in awak inta baradosa naa sin mopoorop in onu inta koibognea.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

KORINTUS 2 11:2

Akuoi in mokotanob kon i monimu, naonda bo kototanob i Allah kon i monimu. Moiko nion in naonda bo mongodeaga inta ain pinodandiku kon nikaan in tobatú ḷoḷaki, ḷoḷaki tatua in ki Kristus.

GALATIA 3:27

Moiko komintan aindon binaptis pinodoyon kon tangoi i Kristus, dá sipat mita i Kristus oyúon bidon kon i monimu.

GALATIA 4:26

Táe Yerusalem inta kon soroga tuata in Yerusalem inta nobebas, bo siabí tua in ki iná naton.

GALATIA 6:14

Táe akuoi in totuu kon doíbí dumodia kon onu inta ain inaidanku, koḻikudbí in modayow kon i Tuhan naton ki Yesus Kristus inta ain minatoi pinopopakú kon kayu pinoyotaḻempang. Lantaran Sia bo ain minatoi pinopopakú kon kayu pinoyotaḻempang, dá dunia naa in diá bidon in mangaḻenea kon inakó. Ná doman tua in akuoi kon tayowon in dunia naa, inanggap monia in akuoi naa naonda bo minatoidon.

EPESUS 5:32

Modaḷombí totok mangaḻe in tontagá tanaa, makusudnea in hubungan i Kristus bo jamaat.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 11:19

Dá nobukatdon in Baḷoi Allah kon soroga, bo kinoontongandon in Poti Dodandian kon bonunea. Bo nongilatdon moyo-moyodudui bo gonugur in gotup inta modowawá mako, takin doman ḻinug bo uyan eis inta totok morogot.

WAHYU 12:3

Bo inontong domandon in tanda mokoherang ibanea kon ḷangit. Oyúon tobatú naga nopura inta totok moḷoben, pitu in uḷunea bo mopuḷú in tungoinea. Pomuḷoi in uḷu pinakéan in mahkota.

WAHYU 15:1

Noiduduimai kon tua, inontongku kon ḷangit in tobatú soaḷ inta mokoherang totok bo diá in poḻiuan kon tua. Pitu in malaekat, bo pitu doman in roriga pangabisan. Naadon in pangabisan totok ki Allah mopoḷuai in torú-Nea.

WAHYU 21:14

Dinding in kotá tatua in pinosindog kon tudu in batu mopuḷú bodoyowá. Bo batu mita tatua in sinoko paisan tangoi in rasul mopuḷú bodoyowá. Mosia tua in rasul mita i Adí in Domba tatua.

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.