WAHYU 11:11 - Alkitab Singog In Mongondow Masa In Tanaa

¹¹ Naonda in toḷudon nosinggai kapin, noiangoidon bui in tompot kobiagan nongkon i Allah bo sinumuot bui kon nabi doyowa tatua. Dá mosia in nobangon bo sinimindog, sahingga in bayongan intau inta nokoontong kon i monia inagíandon totok in ondok.

WAHYU 11:11 Iomraidhean Croise

KINOBAḺIAN 2:7

Onda intua ki Tuhan Allah in nogamá kon butá bodongka pinomia-Nea in tobatú intau, bodongka pinopoirupan in tompot inta mobogoi in kobiagan, pinopoirup kon bonu in ngiungnea; dá nobiagdon intau tatua.

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

OUMAN IN RASUL MITA 5:11

Dá totokdon noondok in bayongan jamaat bo bayongan intau inta nokodongog kon onu inta ain nobaḻí tatua.

OUMAN IN RASUL MITA 5:5

Naonda in nokodongog kon singog i Petrus natua in ki Ananias baḷú noumpag bo minatoi. Dá totok nongoondok in intau mita inta nokodongog kon onu inta nobaḻí tatua.

SURAT I PAULUS KON JAMAAT RUM 8:11

Bo aka Roho i Allah inta ain nomiag bui kon i Kristus nongkon kinopatoian, bo nobiagdon kon ginamu, dá Sia inta ain nomiag bui kon i Kristus tua nongkon kinopatoian tatua, in momiagbí doman kon awakmu inta diá mononoi nion. Sia in mogaid kon tua takin Roho-Nea inta nobiag kon bonu in gina monimu.

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

YOSUA 2:9

bo noguman kon i monia, “Kinotaauankubí kon butá tanaa inogoidon i Tuhan kon i monimu. Bayongan in intau kon naa moondokdon kon i monimu.

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

WAHYU 11:9

Intau mita nongkon bayongan negara, suku, bahasa bo bangusa in mokoontong kon mayat monia kon bonu in toḷu nosinggai kapin, bo diábí ogoi in intau mita tatua ḷobongon in mayat monia tua.