WAHYU 10:9 - Alkitab Singog In Mongondow Masa In Tanaa

⁹ Dá akuoi in minayá domandon kon malaekat tatua bo nopoigum sinbá ogoineadon in ḻitodan buk mointok tatua kon inakó. Sia in noguman kon inakó, “Gamádon bo kaandon in naa. Aka kon sianmudon yo mobaḻí bidon sia mopait, táe aka kon bibigpa yo moromimitbí in sia naonda bo biluk.”

WAHYU 10:9 Iomraidhean Croise

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

YEHEZKIEL 2:8

Ei intau inta ilo-ilow; indongogai in onu inta pinoguman-Ku kon inimu. Dika doman tumakin momarontak. Bukádon in bibigmu bo kaandon in onu inta inogoi-Ku kon inimu.”

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

KOLOSE 3:6

Soaḷ mita natua inta mokopomuká kon yaat in gina i Allah kon intau mita inta diá motoindudui kon i-Nia.

WAHYU 10:10

Ginamáku domandon in ḻitodan buk tatua nongkon ḻimanea bo kinaan. Kon bibig naonda bo biluk in nanamnea, táe naonda in kon siandon mopait bidon in korasaan.