WAHYU 10:11 - Alkitab Singog In Mongondow Masa In Tanaa

¹¹ Onda intua akuoi in pinarentaan, “Sinbá buipa mopoyaput magí-mako in habar i Allah soaḷ bangusa mita, negara mita, bahasa mita bo datu mita.”

WAHYU 10:11 Iomraidhean Croise

YEREMIA 25:13

Babel in hukumon-Ku in bayongan in bodito inta ain sinomayá-Ku kon bangusa mita bo inta ain pinotaau-Ku pinongin i Yeremia – tuata in bayongan in bodito inta pinais kon bonu in buk tanaa.

YEHEZKIEL 37:4

Bo ki Tuhan nopotabá kon inakó nopotaau in koyow-Nea kon tuḷan mita inta noingkag tatua,

YEHEZKIEL 37:9

Ki Allah in noguman kon inakó, “Ei intau ilo-ilow, posingogdon kon tompot. Pogumandon kon Akuoi, ki Tuhan Inta Totok in moḷantud nomarenta kon inia sinbá mamangoi nongkon bayongan in tampat, sin mopoirup in tompot poginaan kon bonu in awak mita inta minatoi tatua sinbá mobiag bui in mosia.”

WAHYU 10:10

Ginamáku domandon in ḻitodan buk tatua nongkon ḻimanea bo kinaan. Kon bibig naonda bo biluk in nanamnea, táe naonda in kon siandon mopait bidon in korasaan.

WAHYU 11:1

Nopaḷut mako kon tua akuoi inogoian in kayu topongkó naonda bo tungkud pogogukur, takin koyow, “bayádon ukur in Baḷoi Tuhan bo meja pogogukatan kon sosumba, bo iapdon in mosia inta noibada kon bonunea.

WAHYU 11:9

Intau mita nongkon bayongan negara, suku, bahasa bo bangusa in mokoontong kon mayat monia kon bonu in toḷu nosinggai kapin, bo diábí ogoi in intau mita tatua ḷobongon in mayat monia tua.

WAHYU 14:6

Noiduduimai kon tua akuoi in nokoontong kon tobatú malaekat ibanea inta iḷumayug noḷantud kon ḷangit. Malaekat tatua in nodia kon Habar Mopia inta mononoi sin poyaputon kon intau kon dunia naa bo kon bayongan bangusa, suku bahasa bo negara.

WAHYU 17:10

ḻima nongkon sigad monia tua ain noḷabú, tobatú in nomarentapa, bo tobatú doman in diápa namangoi. Aka sia in mamangoi, yo momarentapa motoyong in sia.

WAHYU 17:12

Tungoi mopuḷú inta inontongmu tua in datu mopuḷú inta diápa nomangkoi nomarenta. Táe mosia ogoianbí in kawasa momarenta saḷaku datu moyotakin in mahaḷuk tatua kon bonu in tojam koonggotnea.

WAHYU 17:15

Malaekat tatua in noguman doman, “Tubig inta inontongmu tatua, tampat inta iḻitúan in sundaḷ tatua, tuata in bangusa mita, rayat mita, negara mita bo bahasa mita.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.