WAHYU 10:10 - Alkitab Singog In Mongondow Masa In Tanaa

¹⁰ Ginamáku domandon in ḻitodan buk tatua nongkon ḻimanea bo kinaan. Kon bibig naonda bo biluk in nanamnea, táe naonda in kon siandon mopait bidon in korasaan.

WAHYU 10:10 Iomraidhean Croise

MAZMUR 104:34

Igumon mako dondongku in mokosanang kon gina-Nea, sin Siabí in nopoḷunganga kon ginaku.

MAZMUR 119:103

Totuu mopia in tosingogon-Mu, noiḻiu kon koromimit in biluk!

MAZMUR 19:10

Motoguondok kon i Tuhan tua in mopiabí, moiyaputbí in mononoi. Hukum i Tuhan tua in totuubí bo moadilbí komintan.

AMSAL 16:24

Tosingogon moḷukó notongkai in biluk; moromimit in korasaan bo mokosehat kon awak.

YEHEZKIEL 2:10

inta pinaisan kon posiḷosi. Bo binukánea in ḻitodan tatua bo kon tua noipais in ombaḷ, amui bo ongot.

YEHEZKIEL 3:14

Kawasa i Tuhan in namangoi kon inakó motoyang totok, bo naonda in akuoi biningkat bo dinia in Roho-Nea, ginaku in koraasaan mopait bo mopatú.

YEHEZKIEL 3:3

Guman-Nea, “Ei intau inta ilo-ilow, kaandon! Bonuaidon in sianmu in ḻitodan in buk tanaa.” Bo buk tatua in kinaanku nanamnea in moromimit naonda bo biluk.

WAHYU 10:11

Onda intua akuoi in pinarentaan, “Sinbá buipa mopoyaput magí-mako in habar i Allah soaḷ bangusa mita, negara mita, bahasa mita bo datu mita.”

WAHYU 10:9

Dá akuoi in minayá domandon kon malaekat tatua bo nopoigum sinbá ogoineadon in ḻitodan buk mointok tatua kon inakó. Sia in noguman kon inakó, “Gamádon bo kaandon in naa. Aka kon sianmudon yo mobaḻí bidon sia mopait, táe aka kon bibigpa yo moromimitbí in sia naonda bo biluk.”