WAHYU 1:7 - Alkitab Singog In Mongondow Masa In Tanaa

⁷ Indoiai, Sia in mamangoi inoḻiungan in goḷom! Bayongan intau mokoontongbí kon i-Nia, noitakin doman in mosia inta nonakuḷ kon i-Nia. Bayongan in intau kon dunia naa komintanbí mogamui lantaran Sia. Nopasti bidon intua! Amin!

WAHYU 1:7 Iomraidhean Croise

AYUB 33:26

Aka mosambayang in sia, ki Allah in motabibí kon inia, dá sia in modayow kon i Allah takin ḷunganga in gina bo tompiaandon bui i Allah in kobobiagnea.

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

MAZMUR 68:1

Kon i itoi in mododondong. Mazmur i Daud.

MAZMUR 97:2

Sia in iḻipung in goḷom bo sindip; kooadil bo hukum in nobaḻí dodoyonan in pomarentaan-Nea.

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

DANIEL 7:13

Kon bonu in ontongonku doḷom tua, inontongku in oyúon in naonda bo intau. Sia in namangoi takin iḻibu in goḷom bo dinia minayá kon i-Nia inta mononoi.

NAHUM 1:3

Totuu kon ki Tuhan, in diábí ḷagi tumorú; táe Sia in totokbí doman in mokawasa dá ki ine in mogaid kon moitaḷá diábí poḷuaton-Nea kon hukuman. Kon onda in bayáan i Tuhan, kon tua in momuká in deḷang; kon pinomuntukan in sioḷ-Nea, kon tua in ḷobud mobaḻí goḷom.

ZAKHARIA 12:10

Onda intua buí i Daud takin intau mita inta nogutun kon Yerusalem ogoian-Kudon in gina inta kototabi bo moibog mosambayang. Mosia in imindoibí kon inia inta ain sinumbuk monia bo ombaḷan monia naonda bo intau mongombaḷ kon kinopatoian i adínea tuḷong. Mosia in mongombaḷbí imibo-ibog, naonda bo intau inta ain kinobuḻian i adínea guya-guyang.

ZAKHARIA 12:11

Kon singgai tatua oyúonbí in ombaḷ motoyang kon Yerusalem, naonda bo amui kon Hadad-Rimon Kon Ḷopá in Megido.

PINOGIAPAN 24:17

Inontongku in sia, táe deemanbí tanaa mako; binobuiku in sia, táe nongkon noyayú. Datu tobatú nongkon Israel in sia, mamangoi naonda bo tundi inta motarang. Itoi mita in Moab in toko ropúonku bangusa i Set in rimumudonnea.

MATIUS 16:27

Diádon moonggot bo ki Adí Intau takin malaekat-Nea mita in mamangoi takin kawasa i Amá-Nea. Kon dodai intuata Sia motuḻidon kon pomuḷoi in intau podudui in oaidnea.

MATIUS 16:28

Poguman-Ku kon i monimu! Kon sigad in intau mita kon naa oyúon in diápa matoi aka mosia in diápa mokoontong kon Adí Intau mamangoi momarenta saḷaku Datu.”

MATIUS 24:30

Kon wakutu intua ontongondon in tanda in Adí Intau kon ḷangit. Bo komintan intau kon dunia naa mogamui bo mosia in mokoontong kon Adí Intau tatua mamangoi mongin ḻimonik in goḷom kon ḷangit takin bayongan kawasa bo kamuliaan-Nea.

MATIUS 25:31

“Aka ki Adí Intau mamangoi saḷaku Datu bo sinakinan in malaekat mita, yo Sia in ḻimitú kon tampat pomarentaan-Nea.

MATIUS 26:64

Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”

MARKUS 13:26

Kon wakutu in tuata koontongandon ki Adí Intau mamangoi kon bonu in goḷom takin kawasa moḷoben bo kamuliaan.

MARKUS 14:62

Tubag i Yesus, “Akuoi in Sia tua, bo moiko komintan in mokoontongbí kon i Adí Intau ḻimitú kon dotá in koḷanan i Allah Inta Totok in mokawasa bo mamangoi mongin goḷom kon ḷangit!”

LUKAS 21:27

Kon dodai in tuata mamangoi in ki Adí Intau kon yua-yuak in goḷom takin kawasa bo kamuliaan inta totok in moḷoben.

YOHANES 19:34

Táe sian i Yesus sinakuḷ in tobatú tontara in ginubat; dá iḷumuaidon in dugú bo tubig.

YOHANES 19:37

Kon bonu in Alkitab in pinais doman nanaa: “Mosia in moindoibí kon i-Nia inta ain sinakuḷ monia.”

TESALONIKA 1 1:10

Inouman doman monia in kososatia monimu in mogoḷat mako kon koangoian bui i Adí i Allah inta ki Yesus Kristus nongkon soroga. Sia inta ain biniag bui i Allah nongkon sigad in intau mita minatoi. Sia tuata inta moposaḷamat kon i naton nongkon hukuman i Allah kon singgai moiduduimai.

TESALONIKA 1 4:17

Mopaḷut mako kon tua kita inta nobiagpa naa, bingkatondon moyotakin monia mamonik in ḷangit moyodungkuḷ i Tuhan. Bain kon tuata bo mogutundon in kita takin i Tuhan.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

IBRANI 6:6

Táe nonoḻikudon bui, yo diá bidon bui in sia toimbaguon komintanpa sinbá mogogaidon in mogaid kon inta diá mopia, sin mosia tua in buibí mopopakú kon kayu pinoyotaḻempang kon i Adí i Allah sin kopontingan monia tontaní bo moningkuḻe kon i-Nia kon tayowon intau moantó.

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

WAHYU 22:4

Mosia in mokoontong kon pogot-Nea, bo tangoi-Nea in paisondon kon pogot monia.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.