WAHYU 1:3 - Alkitab Singog In Mongondow Masa In Tanaa

³ Totokdon mosanang in intau inta mobaca bo inta mokidongog kon habar inta pinotaau i Allah muna bo inta ain pinais kon bonu in buk tanaa bo mosatia kon onu inta pinais kon bonunea. Sin diádon moonggot bo tua komintan in mobaḻí.

WAHYU 1:3 Iomraidhean Croise

AMSAL 8:34

Pia in kamang in intau inta mokidongog kon inakó inta pomuḷoi in singgai ḻimitú mogoḷat mako kon ngara in baḷoiku, bo umuran moḷukad kon bonawang in pinogutunanku.

YEREMIA 51:61

Bo akuoi in noguman kon i Seraya, “Naonda in iko moiyaput in Babel, ḷongasi sinbá bayongan inta pinais kon bonu in buk tanaa in kobacaanmu kon intau mita inta kon tua.

MATIUS 24:15

“Moiko in mokoontongbí kon ‘aid moraat inta mokorimumud’, ná inta pinoguman i Nabi Daniel, simindog kon tampat motusi. (Paraḷu indoian in intau mita inta mobaca: tarukira totok in mangaḻenea!)

LUKAS 11:28

Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

SURAT I PAULUS KON JAMAAT RUM 13:11

Koḻikud intua komintan, kinotaauan monimu kon masai in naa wakutudon monimu mobangon nongkon pinosiugan. Sin wakutu poposaḷamatan kon i naton kodiug-kodiugdon totok nongkon wakutu in kita bagupa nopirisaya.

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

PETRUS 2 3:8

Táe utatku mita, dika koḻiongan monimu in soaḷ tobatú tanaa, “Aka kon tayowon i Tuhan, tosinggai notongkaibí in toribu notaong, bo toribu notaong ná doman onda bo tongá tosinggai, diábí in yoposinea kon tua.”

WAHYU 22:10

Bo malaekat tatua in noguman bui kon inakó, “Dika mobuni kon tosingogon mita inta kon bonu in buk tanaa, sin diádon moonggot kobaḻían intua komintan.

WAHYU 22:12

“Tarukira in naa!” guman i Yesus, “Diádon moonggot bo Akuoi in mamangoi modia kon boḻi in pinogaidan in intau podudui kon onu inta ain inaidannea.

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

WAHYU 3:11

Akuoi in ḷagibí mamangoi! Ḷukadai kopira in onu inta oyúondon kon i monimu, sinbá diá tobatúmai in intau in mokoagow kon tombuinag kinountungan monimu.