WAHYU 1:2 - Alkitab Singog In Mongondow Masa In Tanaa

² Dá ki Yohanes nopotaau doman in bayongan inta ain inontongnea tatua; bo naadon in pinogumannea in soaḷ koyow nongkon i Allah, bo inta inirigonan i Kristus Yesus pinongin kosakusiannea.

WAHYU 1:2 Iomraidhean Croise

YOHANES 1:32

Ki Yohanes in noguman doman nanaa, “Akuoi in nokoontong kon Roho i Allah in noponag nongkon ḷangit naonda bo ḷagapan paḷoma dinumompá bo nogutun kon i-Nia.

YOHANES 12:17

Intau mita inta nokoontong tontaní wakutu in ki Yesus nogoiní kon i Lazarus iḷumuai nongkon poḷoḷobongan bo nomiag bui kon inia nongkon kinopatoiannea, umuran mongonguman magí-mako kon soaḷ tatua.

YOHANES 19:35

Intaubí inta ain nokoontong tontaní kon onu inta ain nobaḻí tatua in nopotaau kon soaḷ tatua, sinbá moiko in mopirisaya doman. Bo onu inta pinotaaunea tatua in totuubí, bo kinotaauannea kon totuubí intua.

YOHANES 21:24

Murí tatuata inta nobogoi in kosakusian kon soaḷ mita inta ain nobaḻí tanaa. Sia domandon tatua inta ain nomais kon naa. Bo kinotaauanbí naton kon onu in pinogumannea tatua in totuubí.

YOHANES 3:11

Pirisayadon: Kami in mosingog kon onu inta kinotaauan nami, bo tongábí doman onu inta ain inontong nami tua in potaau nami; táe moiko in doí motarima kon onu in pinotaau nami.

OUMAN IN RASUL MITA 22:15

Iko in mopotaau kon bayongan in intau kon onu inta ain inontongmu bo inta dinongogmu tua.

OUMAN IN RASUL MITA 26:16

Pobangondon bo sindog! Akuoi in mokipogontong kon inimu poḷat monantú kon inimu mobaḻí mogogundoi-Ku. Musti poyaputmu kon bayongan intau in onu inta ain inontongmu singgai naa andeka kon singgai inta moiduduimai soaḷ Akuoi.

OUMAN IN RASUL MITA 4:20

Sin diábí motaau in kami in mogogai mopotaau kon onu inta ain inontong bo dinongog nami tontaní.”

KORINTUS 1 1:6

Bo tua komintan mangaḻenea in moponiatabí kon naanta habar mopia i Yesus Kristus tua in totu-totuu bidon noitonop kon bonu in ginamu.

KORINTUS 1 2:1

Utatku mita! Wakutu in akuoi namangoi kon i monimu nopotaau in tomayá mita i Allah inta diápa kinotaauan in bayongan intau kon dunia naa, diábí in akuoi nopomaké in kapandoian tontaní andeka noguman kon inta diá totuu.

YOHANES 1 1:1

Tombonu in surat tanaa in soaḷbí Pirman inta mobogoi in kobiagan, Sia tua in Pirman inta koyongan bidon oyúon nongkon pinomangkoianpamai. Pirman tatua ain inontong bo ain doman kinadaian nami tontaní.

YOHANES 1 4:14

Kami tontaní ain nokoontong kon i Adí i Allah, bo kami in nopohabar kon Sia in pinotabá mangoi i Amá sin mobaḻí Datu Mopoposaḷamat in dunia naa.

YOHANES 3 1:12

Komintan intau nodayow kon i Demetrius. Ki Allah tontaní in nodayow doman kon inia. Sia in dinayow domandon nami, bo kinotaauan bidon i utat kon onu in pinotaau nami naa in motaaubí pirisayaan.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 1:19

Sin tuamai, paisdon in soaḷ mita inta inontongmu, tuata in soaḷ mita inta oyúon tanaa mako, bo soaḷ mita inta mobaḻí kon singgai moiduduimai.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

WAHYU 12:17

Naga tatua totokdon in sinumorú kon bobay tatua, sahingga minayá nogaḷow kon buí in bobay tatua inta ibanea. Mosia inta umuran dinumudui kon parenta i Allah bo inta nobogoi in kosakusian soaḷ ki Yesus bo kawasa-Nea.

WAHYU 20:4

Bo akuoi in nokoontong kon ḷoḻitúan mita pomomarentaan tatua inogoian in kawasa monantú kon hukuman. Inontongku doman in dimukud in intau mita inta sinokoratá popisí in nopotaau in habar soaḷ ki Yesus, bo lantaran nopoyaput in koyow i Allah. Mosia tua in diábí nosumba kon mahaḷuk tatua andeka patongnea bo doí doman sinandaan kon pogot bo kon ḻima monia; dá mosia in nobiag bui bo nomarenta saḷaku datu moyotakin i Kristus toribu notaong in koonggotnea.

WAHYU 22:21

Poigumon mako barakat bo totabi Tuhan Yesus in umuran kotaki-takin monimu komintan! Amin.

WAHYU 6:9

Noiduduimai kon tua ki Adí in Domba tatua in nomukatdon kon meterai iḻimanea. Bo inontongku kon ḻimonag in meja pototuduan kon sosumba oyúon in dimukud mita in intau inta minatoi iḻimod sin popisí nopotaau in koyow i Allah inta ain pinirisaya monia.