WAHYU 1:16 - Alkitab Singog In Mongondow Masa In Tanaa

¹⁶ Ḻima-Nea koḷanan in nokadai kon tundi pitu, bo kon bibig-Nea iḷumuai in tobatú pitow moḷanit inta doyowa in matanea. Pogot-Nea in monindar naonda bo mata in singgai inta noutudon.

WAHYU 1:16 Iomraidhean Croise

AYUB 38:7

kon tungkuḷ in tundi mita in doḷo-doḷom nodondong noyotakin bo mahaḷuk mita in soroga moronggoḷokap takin pia in gina.

MAZMUR 45:3

Iko in moḷuna-ḷunat kon sigad in intau mita, tosingogonmu komintan inta mopia, tuamai iko in binarakatan i Allah modapot in mononoi.

DONDONG MOḶANTUD 6:10

Ki ine in sia inta namangoi naonda bo bayag doḷo-doḷom, ná kogaga in moḷoben, ná kobayag in mata in singgai? Sia totok in mokoangá, naonda bo tontara mita kokada-kadai in bandera monia.

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 24:23

Buḷan in simindip bo mata in singgai in diá bidon monindar, sin ki Tuhan Inta Totok in mokawasa in momarentabí mobaḻí datu. Sia in momarentabí kon Yerusalem, kon tudu in Buḷud in Sion, bo mopoontong in koagung-Nea kon itoi mita in umat-Nea.

YESAYA 49:2

Binaḻí-Nea in tosingogonku mita ná koḷanit in pitow, ḻima-Nea tontaní in pinoḷukad-Nea kon inakó. Binaḻí-Nea in akuoi naonda bo piot inta inatá, bo sinagúnea kon bonu in potoḷónea sinbá kosadi-sadiadon pakéon.

DANIEL 12:3

Itoi mita inta mobijaksana in monindarbí naonda bo sindar in ḷangit. Bo mosia inta ain notundú kon mobayong in intau sin mogaid kon inta mopia bo moadil, in monindarbí naonda bo tundi mita modapot in mononoi.”

DANIEL 8:10

Tungoi tatua in kodugang-kodugang in koḷobennea nodapot in tugatdon ponayow kon tontara in soroga tuata in tundi mita, nodapotbí in tongonumai in kon sigadnea pinogambatnea kon butá bo totok in iruntainea.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

OUMAN IN RASUL MITA 26:13

Bo kon yuak in daḷan, noutudon singgai wakutu intua uḻe Tuang Datu Agripa, akuoi in nokoontong kon sindar nongkon ḷangit inta totok in motarang, nonindar kon inami komintan.

EPESUS 6:17

Gamádon in kasaḷamatan saḷaku sapoyo uwaja, bo singog i Allah saḷaku pitow nongkon Roho i Allah.

IBRANI 4:12

Sin pirman i Allah tatua in singogbí inta nobiag bo moropot bo Siabí in moḷani-ḷanit nongkon pitow inta doyowa in matanea. Singog tatua in tumurak nodapot in nopoyotondí in jiwa bo roho; boḻikatog bo tuḷan bobubuton, sahingga in kotaauanneadon totok in raian bo niat in intau.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

WAHYU 12:1

Bo kinoontongandon kon ḷangit in tobatú tanda mokoherang inta totok in motoyang. Tobatú bobay inta nopogiḷambung mata in singgai, simindog mako kon tudu in buḷan. Kon uḷunea oyúon in bandow inta pinopobandangan in tundi mopuḷú bodoyowá.

WAHYU 19:15

Nongkon bibig-Nea tua iḷumuai in tobatú pitow inta moḷanit bo inta pakéon-Nea monaḷow kon bangusa mita. Sia in nomarenta kon i monia takin tungkud uatoi. Sia in momugut kon anggur kon bonu in tampat pomomugutan kon anggur torú i Allah Inta Totok in Mokawasa.

WAHYU 19:21

Bo bayongan in tontaranea sinoko-ratá in pitow inta iḷumuai nongkon bibig in intau inta sinumakoi kon kabaḷo nobudó tatua. Dá ḷagapan mita tatua in namangoi bo nokaan kon tapú in intau mita inta minatoi iratá tatua.

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

WAHYU 2:12

“Paisdon kon malaekat in jamaat Pergamus, nanaa: Naadon in koyow nongkon i-Nia inta nokadai kon pitow moḷanit inta doyowa in matanea.

WAHYU 2:16

Sin tuamai, pogogaidon in mogaid kon dosa mita monimu! Aka diá, yo ḷagidon in Akuoi mamangoi kon i monimu bo duduran-Ku in pitow inta kon bibig-Ku in intau mita tatua.

WAHYU 3:1

“Paisdon kon malaekat in jamaat Sardis, nanaa: Nanaa in koyow nongkon i-Nia inta kitogi roho pitu nongkon i Allah bo inta kitogi tundi pitu tua. Kinotaauan-Kubí onu in pinomia monimu: Moiko nion sinangoian nobiag, táe sabanarnea in minatoi bidon!

HAKIM MITA 3:16

Kon singgai tobatú ki Ehud nonontaḷ kon pitow inta noḷanit kon posiḷosi inta kobanatnea in gogió bo tongobotak in meter. Pinogabitnea in pitow tatua kon dotá in koḷanan tongá pinopobuninea kon ḷambungnea,

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.