WAHYU 1:12 - Alkitab Singog In Mongondow Masa In Tanaa

¹² Akuoi in nobobui ná tumi sin moindoi mongo ki ine inta noguman kon inakó tua. Bo inontongku pitu in sioḷ pototuduan kon togá inta pinomia nongkon buḷawan.

WAHYU 1:12 Iomraidhean Croise

IḶUAIAN 25:37

Pomiaai kon togá pitu in kon batúan in sioḷ in totuduan kon togá tatua bo aidai ukuron kon bayongan sindarnea moisindar ná muna.

IḶUAIAN 37:23

Kon sioḷ totuduan in togá tatua pinomianea kon togá pitu takin pakakat ponondarit kon sumbu in togá bo duḷangnea nongkon buḷawan taakan.

MIKHA 6:9

Totuubí kon mobijaksana aka motoguondok kon i Tuhan. Sia in nomaḷú kon intau inta nogutun kon kotá, “Indongogaika, ei moiko inta noyosipun kon kotá!

ZAKHARIA 4:2

“Onu in inontongmu?” iḻibónea. “Totuduan in togá tobatú nongkon buḷawan,” tubagku. “Kon popodnea monik oyúon in pobobonuan kon ḷananea, bo kon ḻibuneamai pitu in togá, inta kon batúannea tumopopitu in sumbu.

WAHYU 1:13

Kon yua-yuak in sioḷ mita pototuduan kon togá tatua, inontongku in naonda bo intau. Sia in nogi jubah moḷanggó noidapot in sioḷ. Kon dodob-Nea oyúon in oḻingoi in dodob inta pinomia nongkon buḷawan.

WAHYU 1:19

Sin tuamai, paisdon in soaḷ mita inta inontongmu, tuata in soaḷ mita inta oyúon tanaa mako, bo soaḷ mita inta mobaḻí kon singgai moiduduimai.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

WAHYU 4:1

Nopaḷut mako intua nanaa in bui inontongku. Inontongku in tobatú ḷoḻingkop nobukat kon soroga. Bo dinongogkudon bui in singog inta noguman kon inakó koina inta naonda bo singog in torompet. Singog tatua in noguman, “Poponikdon mangoi kon naa, bá popoontong-Kudon kon inimu onu in mobaḻí kon singgai moiduduimai.”