WAHYU 1:11 - Alkitab Singog In Mongondow Masa In Tanaa

¹¹ Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

WAHYU 1:11 Iomraidhean Croise

YESAYA 30:8

Ki Allah in nopotabá kon inakó nomais kon aid moraat in umat-Nea kon bonu in buk tobatú nobaḻí tompoingat mononoi.

YEREMIA 30:2

noguman kon inakó, “Paisdon kon bonu in buk tobatú in bayongan inta ain pinoguman-Ku kon inimu.

HABAKUK 2:2

Ki Tuhan in notubag kon inakó nanaa, “Kurigdon kosimantag kon butá ḷamentong tobonsig, onu inta poponiata-Ku kon inimu, sinbá mopia bacaan.

OUMAN IN RASUL MITA 16:14

Tobatú kon sigad monia tua in intau inta mopopotaḷui in kaeng nopars. Ki Lidia in tangoinea. Sia in intau nongkon Tiatira inta totok motoindudui kon i Allah. Tuamai iḻiai i Tuhan in ginanea sinbá tarimaannea onu in pinotaau i Paulus kon inia.

OUMAN IN RASUL MITA 18:24

Wakutu intua, noiangoi domandon kon Epesus in tobatú intau in Yahudi inta nongkon Aleksandria, ki Apolos in tangoinea. Sia naa in intau inta totok mopandoi mosingog bo totok in nonotaau kon bonu in Buk Motusi,

OUMAN IN RASUL MITA 20:17

Wakutu in sia kon Miletuspa, sia in nopotabádon in intau tobatú minayá in Epesus moguman sinbá bayongan in intau inta ain binaḻí itoi kon jamaat tatua mamangoi in Miletus mokipodungkuḷ kon inia.

KORINTUS 1 15:32

Aka tongá pongin raian in intau, yo onubí in kauntungan kon inakó in moberjuang totok naonda bo monayow kon mahaḷuk mita inta mongoromú kon kotá in Epesus tanaa? Aka totuu kon intau minatoi diá biagon bui, yo maníka dumudui in kita kon ná kain singog in intau nanaa: “Koḻigai mongaan bo monginum poḷat mobarasanang in kita sin ikoḷom in tatap matoibí doman.”

KORINTUS 1 16:8

Táe akuoi in mogutunpa kon Epesus modapot kon singgai Moḷoben Pentakosta.

EPESUS 1:1

Umat i Allah kon Epesus, inta motoindudui kon i Kristus Yesus!

ULANGAN 31:19

Tuamai in paisdon in dondong tanaa bo tundúdon kon bangusa Israel nobaḻí tomponiata kon i monia.

KOLOSE 2:1

Ibogonku in bá kotaauan doman monimu in rorigaku wakutu in noramuji nogaid sin kopontingan monimu bo kopontingan monia inta kon Laodikia bo kon i monia komintan inta diápa nonotaau kon inakó.

TIMOTIUS 1 1:3

Wakutu in akúon mayádon in Makedonia, pinakisakudon in iko sinbá umuranpa mogutun kon Epesus. Kon tua iko in mayá mononggina kon intau mita inta motundúmai kon soaḷ mita inta nongoitaḷá, sinbá gogaiandon monia in aid mita ná tatua.

WAHYU 1:17

Naonda in akuoi nokoontong kon i-Nia, akuoi noitungkud kon tayowon-Nea naonda bo intau minatoi. Táe ḻima-Nea koḷanan in noyapu kon inakó bo poḷat noguman kon inakó, “Dika moondok! Akuoi naa in ki Inta Totok Muna-munamai bo ki Inta Pangabisan.

WAHYU 1:19

Sin tuamai, paisdon in soaḷ mita inta inontongmu, tuata in soaḷ mita inta oyúon tanaa mako, bo soaḷ mita inta mobaḻí kon singgai moiduduimai.

WAHYU 1:2

Dá ki Yohanes nopotaau doman in bayongan inta ain inontongnea tatua; bo naadon in pinogumannea in soaḷ koyow nongkon i Allah, bo inta inirigonan i Kristus Yesus pinongin kosakusiannea.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 1:4

Utat mita inta kon pitu nojamaat kon daerah in Asia! Akuoi, ki Yohanes, mopoigum mako sinbá moiko in ogoian i Allah in barakat bo kobiagan motompia--tuata in ki Inta oyúon, bo inta koyongandon oyúon, bo inta umuran oyúon, bo nongkon roho pitu inta kon tayowonmai in tampat pomomarentaan i Allah,

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

WAHYU 10:4

Naonda in diádon singog in gotup pitu tatua, moibog in akuoi momais kon tua, táe kinodongoganku in singog nongkon soroga in noguman, “Bunidon onu in pinoguman in gotup pitu tatua, donaaidon paison intua!”

WAHYU 14:13

Bo akuoi in bui nokodongog kon singog nongkon soroga noguman, “Paisdon in naa: Mulaidon tanaa mako, koḷungangadon in intau mita minatoi inta minatoi kon dodai in yogotpa nogaid kon oaidan i Tuhan!” “Totuu intua!” tubag in Roho i Allah. “Mosia in mogogai bidon mogaid kon oaidan monia, lantaran boḻi in pinogaidan monia umuran kotaki-takin monia.”

WAHYU 19:9

Bo malaekat tatua in noguman kon inakó, “Paisdon in naa: ‘Mosanangdon totok in intau inta inoiní mamangoi in rame ponikaan i Adí in domba tatua.’ ” Malaekat tatua in noguman doman bui kon inakó, “Habar tanaa in totu-totuubí nongkon i Allah.”

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

WAHYU 2:12

“Paisdon kon malaekat in jamaat Pergamus, nanaa: Naadon in koyow nongkon i-Nia inta nokadai kon pitow moḷanit inta doyowa in matanea.

WAHYU 2:18

“Paisdon kon malaekat in jamaat inta kon Tiatira, paisdon nanaa: Nanaa in koyow nongkon Adí i Allah inta mata-Nea moyongkit naonda bo tuḷu; bo sioḷ-Nea in naonda bo tambaga sinubá.

WAHYU 2:24

Táe moiko inta ibanea mako kon Tiatira inta diá dinumudui kon totundú inta moraat tatua, bo diá doman nobalajar kon pongotahuan mita in Ibilis, naa in poguman-Ku, diábí dugangan-Ku insibuḷan in tanggungan monimu.

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

WAHYU 21:5

Bo Sia inta iḻimitú kon tampat pomomarentaan tatua in noguman, “Tanaa komintandon binaḻí-Ku mobagu!” Sia in noguman doman kon inakó, “Paisdon in naa, sin singog mita tanaa in totuubí bo motaaubí pirisayaan.”

WAHYU 22:10

Bo malaekat tatua in noguman bui kon inakó, “Dika mobuni kon tosingogon mita inta kon bonu in buk tanaa, sin diádon moonggot kobaḻían intua komintan.

WAHYU 22:16

“Akuoi, ki Yesus, ain nopotabá mangoi in malaekat-Ku kon i monimu, sinbá sia mopotaau in soaḷ mita inta pakéon kon kopontingan in jamaat mita. Akuoi naa in buí i Daud; Akuoibí naa in tundi dotá in pomukaan inta motarang totok tua.”

WAHYU 3:1

“Paisdon kon malaekat in jamaat Sardis, nanaa: Nanaa in koyow nongkon i-Nia inta kitogi roho pitu nongkon i Allah bo inta kitogi tundi pitu tua. Kinotaauan-Kubí onu in pinomia monimu: Moiko nion sinangoian nobiag, táe sabanarnea in minatoi bidon!

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

WAHYU 3:4

Táe kon yua-yuak monimu inta kon Sardis oyúonpa in intau inta noḷukad mako sinbá ḷambungnea in umuran modarit. Mosia tua in mayá moyotakin-Ku takin mogiḷambung mobudó, sin mosia in patusbí motarima kon tua.

WAHYU 3:7

“Paisdon kon malaekat in jamaat kon Piladelpia nanaa: Naadon in koyow nongkon i-Nia inta Mokudus, Inta Mobanar bo ki Inta nokadai kon kokunsi i Daud; Aka Sia in mobuká yo diábí tobatúmai in mokoḻingkop; bo aka ḻingkopan-Nea, yo diábí doman tobatúmai in mokobuká.