TITUS 1:4 - Alkitab Singog In Mongondow Masa In Tanaa

⁴ Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

TITUS 1:4 Iomraidhean Croise

LUKAS 2:11

Singgai in naa kon ḻipú i Daud, noilahirdon in Datu inta mopoposaḷamat kon i monimu, tuata in ki Kristus, ki Tuhan naton.

YOHANES 4:42

Mosia in noguman kon bobay tatua, “Mopirisayadon in kami in tanaa, deeman bidon tongá popisí in onu inta inoumanmu kon inami, táe kami in nokodongogdon tontaní kon tosingogon-Nea. Bo kinotaauandon nami kon Sia tua in totuubí Mopoposaḷamat in dunia.”

SURAT I PAULUS KON JAMAAT RUM 1:12

Nanaa in makusudku, lantaran kita bo tumpaḷadon mopirisaya kon i Yesus Kristus, dá musti umuran mosirigonan in kita.

SURAT I PAULUS KON JAMAAT RUM 1:7

Tuamai in akuoi in nomais kon surat kon i monimu. Poigumon mako kon i Allah inta ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

KORINTUS 2 12:18

Totuu kon akuoi in nopotabá kon i Titus mayá kon i monimu, takin intau inta ki utat doman naton ibanea inta noyotakinnea. Táe umpaka yo nokoimontandon in ki Titus in motayak kon kauntungan kon i monimu? Mogaid tanaa, tujuan naminda in notongkaibí, natua doman in aid mita naminda!

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 4:13

Kon Buk Motusi in pinais nanaa, “Akuoi in mopirisaya, tuamai akuoi in mosingog.” Dá pirisayabí tatua in nobaḻí dodoyonan nami mosingog.

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

KORINTUS 2 8:16

Sukurdon mako kon i Allah, sin ki Titus in pinoporajing-Neapa naonda bo kami inta umuran noibog notuḷung kon i monimu!

KORINTUS 2 8:23

Aka ki Titus, yo sia in yobayat topogaidanku inta notuḷung kon i monimu. Bo soaḷ ki utat naton taya dua tua, inta minayá noyotakinnea, mosia tua in intaubí inta piniḻí bo sinantú in jamaat sin kinosanang in gina monia.

KORINTUS 2 8:6

Tuamai kami in umuran moguman kon i Titus – inta ain nomangkoi kon oaidan tanaa – sinbá ingguputannea in oaidan mopia tanaa kon sigad monimu doman.

GALATIA 2:3

Ki Titus inta noyotakinku tua intau in Yunani táe diábí in sia pinoki sunatku ná kon atorang in agama Yahudi,

GALATIA 3:26

Moiko bo ain nopirisaya kon i Yesus Kristus, dá moiko ain notobatú takin-Nea; sahingga in moiko nobaḻídon ki adí mita i Allah.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

EPESUS 1:2

Akuoi ki Paulus, inta nobaḻí rasul i Kristus Yesus sin pinodoyon kon ibog i Allah tontaní, akuoi in umuran mopoigum mako in doa sinbá ki Allah, ki Amá naton bo ki Tuhan Yesus Kristus mobogoi in barakat bo kobiagan motompia kon i monimu.

TIMOTIUS 1 1:12

Akuoi in mosukur kon i Kristus Yesus Tuhan naton, sin akuoi in inogoian-Neadon in ropot mogaid kon oaidan-Nea, bo inanggap-Neadon in akuoi patus pokiaidan in oaidan tatua,

TIMOTIUS 2 1:1

Uḻe Timotius adíku inta totok in kinotabiku! Akuoi, ki Paulus, nomais kon surat tanaa, mopoigum mako doa sinbá ki Allah inta ki Amá naton bo ki Yesus Kristus, Tuhan naton in umuran mobogoi kon inimu in barakat, totabi bo kobiagan motompia. Pinoduduibí kon ibog i Allah akuoi naa in nobaḻí rasul i Kristus Yesus bo poḷat pinotabá mopotaau in daḷan kobiagan inta pinodandi i Allah. Kobiagan tatua in sinarimadon naton sin kita ain notobatú i Kristus Yesus.

TIMOTIUS 2 4:10

sin ki Demas ain nonaḷámai kon inakó sin moḷobe-ḷobenbí in tabinea kon in dunia. Sia ain minayá in Tesalonika, ki Krekes minayá in Galatia, yo ki Titus in minayádon in Dalmatia.

TITUS 1:3

Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

TITUS 2:13

Tanaa mako, kita in mogoḷatpa mako kon singgai inta iharap mako naton tua. Kon singgai tatua, dunia naa in mokoontongdon kon kamuliaan i Yesus Kristus, Sia tuata in ki Allah Inta Totok in Momulia bo Datu Mopoposaḷamat naton.

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

PETRUS 2 1:11

Aka natua, dá moiko in motaaudon totok tumuot kon dodatuan inta mononoi nongkon i Tuhan bo Datu Mopoposaḷamat naton ki Yesus Kristus.

PETRUS 2 2:20

Intau inta nonotaaudon kon i Tuhan bo kon i Mopoposaḷamat naton ki Yesus Kristus, yo sia tua in noipilatdon nongkon kawasa mita in dunia naa inta mokokotor kon intau. Táe onda intua sia in buidon nogaid kon inta moraat, dá oaid in intau tatua in moiḻiu bidon totok kon koraatnea inta muna.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

PETRUS 2 3:2

Bo umuranku doman anjuron mako sinbá tantú monorop kon onu inta ain pinoguman in nabi mita i Allah tungkuḷ intua bo moponorop doman mako kon parenta i Tuhan bo i Datu Mopoposaḷamat, inta ain pinotaau in rasul mita kon i monimu.

YOHANES 1 5:14

Bo kita in mobaranibí in mayá kon tayowon i Allah, sin moyakinbí in kita kon indongoganbí i Allah in onu in pinoigum naton, aka inta pinoigum naton tua noyokaan kon onu inta kinoibog-Nea.

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.