TITUS 1:3 - Alkitab Singog In Mongondow Masa In Tanaa

³ Sin kon wakutu inta ain sinantú-Nea, pinoniata-Neadon in dandi-Nea tatua kon bonu in koyow-Nea. Koyow-Nea tatua inta pinoki aid-Nea kon inakó, bo tuata in pinotaa-taauku mako podudui in parenta i Allah inta mopoposaḷamat naton.

TITUS 1:3 Iomraidhean Croise

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 45:15

Ki Allah inta noposaḷamat kon Israel in ki Allahbí inta nogadop.

YESAYA 45:21

Pongadu in pelekaramu, poontong in buktinea mita, oo, biódon mako in mosia moyopakat moyotakin. Ki ine in nopotaau intua bo nopotaau intua nongkon dungkuḷmai? Akuoibí naa, ki Tuhan? Diábí in ilah koḻikudbí in Akuoi. Akuoibí in Allah inta moadil bo Mopoposaḷamat, diábí in ibanea mako koḻikudbí in Akuoi!

DANIEL 11:27

Onda intua datu doyowa tatua in ḻimitú kon meja tobatú bo mongaan moyotakin, takin mosia in nonomayá kon inta moraat, bo mosia in mosiakaḷan. Táe tomayá monia tua in diábí motuoi sin deemanpa wakutunea.

DANIEL 8:23

Kon tungkuḷ in kopaḷutandon in dodatuan mita tatua, aka aid moraat moiḻiudon, dá moiangoidon in datu tobatú inta motogat in uḷu bo mopandoi monguboḷ.

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

HABAKUK 2:3

Paisdon intua, sin deemanpabí orasnea in naa. Táe oras tatua in ḷagi bidon moiangoi, bo onu inta poponiata-Ku kon inimu in notantú bidon kon mobaḻíbí. Umpaka koontongan in ná moonggotpa, táe oḷatdon mako! Oras tatua in notantúbí kon moiangoibí bo diá bidon pampingon.

MARKUS 1:15

Ki Yesus in noguman, “Ki Allah in ḷagidon momangkoi momarenta. Pogogaidon moiko in mogaid kon dosa bo popirisayadon kon Habar Mopia inta nongkon i Allah!”

MARKUS 13:10

Habar Mopia nongkon i Allah tua, musti muna potaau magí-mako kon bayongan in bangusa.

MARKUS 16:15

Guman i Yesus kon i monia, “Bayádon in bayongan dunia naa bo potaaudon in Habar Mopia nongkon i Allah kon bayongan intau.

LUKAS 1:47

bo mopia totok in ginaku sin ki Allah in mopoposaḷamatku.

OUMAN IN RASUL MITA 10:36

Pirman inta pinoki poyaput-Nea kon intau mita Israel, tuata in Habar Mopia inta nopotaau in dodamean inta inaidan i Yesus Kristus, Tuhan in bayongan intau.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.

SURAT I PAULUS KON JAMAAT RUM 15:19

inta mokoherang totok kon intau bo diá in poporupaan. Tua mita in nobaḻí sin kawasa in Roho i Allah. Habar Mopia soaḷ ki Kristus aindon pinohabarku komintan kon intau mita, pinangkoipamai kon Yerusalem nodapot in Ilirikum.

SURAT I PAULUS KON JAMAAT RUM 16:25

Dinayo-dayowdon in ki Allah! Sia in mongawasa moginrigon kon pirisaya monimu podudui in Habar Mopia nongkon i Allah inta pinotaauku soaḷ ki Yesus Kristus. Habar inta pinotaauku tua in notongkai in onu inta pinoontong i Allah kon inakó; tuata in soaḷ tomayá i Allah inta noonggotdon totok in kinotaauan intau.

SURAT I PAULUS KON JAMAAT RUM 16:26

Táe masai naa, podudui in parenta i Allah inta mononoi, tomayá tatua ain pinoniata bo ain pinotaau kon bayongan intau, inta pinongin onu inta ain pinais in nabi mita, sinbá mosia komintandon mopirisaya bo motoindudui kon i Allah.

SURAT I PAULUS KON JAMAAT RUM 5:6

Wakutu in kita diádon kodaya, ki Kristus in pinokurubandon sin kopontingan naton pinotombubung kon wakutu inta ain sinantú i Allah; bokaka kita in intau mita inta noyayú nongkon i Allah.

KORINTUS 1 9:17

Aka kuma bo tongábí ibogku tontaní in mogaid kon oaidan tatua, yo tantú mogoḷatbí mako in akuoi kon boḻi in oaidanku tatua. Táe naa bo parentabí i Allah, dá mustibí aidanku.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

EPESUS 2:17

Manangka intua ki Kristus in namangoi bo nopotaau in Habar Mopia soaḷ dodamean tatua kon i monimu; pinomayá moiko intau inta deeman Yahudi inta koḻipod noyayú kon i Allah, ande intau mita in Yahudi inta nodiug kon i Allah.

PILIPI 1:13

Tuamai in bayongan intau kon komaḻig bo intau mita ibanea inta kon kotá tanaa nonotaaudon kon akuoi in pinobonu kon ponjara popisíbí in dinumudui kon i Kristus.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

KOLOSE 1:6

Habar nongkon i Allah tatua in noiwayadon kon bayongan dunia naa, bo kobiagan in intau umuran binarakatan in habar tatua, notongkai doman in kobiaganmu ain binarakatan pinangkoipamai in moiko nokodongog kon soaḷ totabi i Allah bo totu-totuu inindongogan monimu intua.

TESALONIKA 1 2:4

Deemanbí natua! Kami in diábí mosingog sin moposanang kon gina in intau, táe moposanangbí in gina i Allah inta umuran noguji kon gina nami. Sin inanggap-Nea kon kami naa in motaaubí mopotaa-taau mako in Habar Mopia tatua.

TIMOTIUS 1 1:1

Timotius, adíku kon bonu in pirisaya kon i Tuhan! Surat tanaa in nongkon inakó, ki Paulus inta nobaḻí rasul i Yesus Kristus podudui in ibog i Allah, inta Mopoposaḷamat naton, bo podudui in parenta i Yesus Kristus oandoḷan kobiagan naton. Poigumon mako tua, ki Allah ki Amá naton bo ki Yesus Kristus, ki Tuhan naton in umuran mobogoi in barakat, totabi bo kobiagan motompia kon inimu.

TIMOTIUS 1 1:11

Totundú tatua in pinaisdon kon bonu in habar mopia inta pinoki poyaput magí-mako i Allah kon inakó, tuata in Habar Mopia inta nongkon i Allah inta moḷoben bo inta patus dayowon.

TIMOTIUS 1 2:3

Sin natuabí in mopia bo kinoibog i Allah inta mopoposaḷamat naton.

TIMOTIUS 1 4:10

Manangka intua kita in musti moramuji mogaid, sin kita in tongábí moharap mako kon i Allah inta nobiag; Sia tuata inta mopoposaḷamat kon bayongan in intau, muna-munamai mosia inta mopirisaya.

TIMOTIUS 2 4:17

Táe akuoi in umuranbí iḷukadan i Tuhan; bo inogoian-Neadon in ropot in akuoi sahingga in nokosanggupdon nopoyaput in Habar Mopia tatua, sinbá kodongogan domandon in bayongan intau inta deeman Yahudi, sahingga in akuoi noipilatdon nongkon onu inta mokobodito kon inakó.

TITUS 2:10

bo dika monakow. Umuranbí poontong in aid inta mopia inta motaau pirisayaan, sinbá moniatadon kon aid mita naton tatua in totundúbí mita i Allah, sahingga in ki Allah Mopoposaḷamat naton in umuran dayowon monia popisí in aid naton inta mopia.

TITUS 2:13

Tanaa mako, kita in mogoḷatpa mako kon singgai inta iharap mako naton tua. Kon singgai tatua, dunia naa in mokoontongdon kon kamuliaan i Yesus Kristus, Sia tuata in ki Allah Inta Totok in Momulia bo Datu Mopoposaḷamat naton.

WAHYU 14:16

Bo Sia inta iḻimitú kon tudu in goḷom tatua nopongaḷoi domandon in sabit-Nea kon dunia naa, bo sinoinutneadon bungai in dunia naa.