TIMOTIUS 1 5:5 - Alkitab Singog In Mongondow Masa In Tanaa

⁵ Intau boba-bobay inta nobiagdon tontaní sin diádon in haraponnea mako motuḷung monompia kon inia, bo dongkadon ki Allah in poharapannea mako, yo musti in sia doḷom bo singgai in mosambayang bo mopoigum in totabi kon i Allah.

TIMOTIUS 1 5:5 Iomraidhean Croise

MAZMUR 91:4

Iko in koḷoban-Neabí in koḻikip-Nea, dá moodombí in iko kon bonu in oḻiung-Nea; kososatia-Nea in naonda bo kaḻeaw inta noḷukad kon inimu.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

YESAYA 3:26

Kon bonawang mita in kotá intau in mononogumatoi bo mogamui, bo kotá tatua tontaní in naonda bo bobay inta pinilangan inta iḻimitú kon butá.

YESAYA 49:21

Dá iko in mosingogdon kon bonu in gina, ‘Ki ine in nopononggadí in mongoadí mita tatua kon inakó? Akuoi naa in kinobuḻiandon in adíku mita, bo diádon motaau mononggadí bui? Akuoi in inakut pinobayá in pinoḷumbúan bo pinotondí bo sinaḷáan aku-akuoi mita. Dá nongkon onda in adí mita tatua, bo ki ine in nomiag kon i monia nodapot in noitoidon?’ ”

YESAYA 50:10

Ei moiko inta mohoromat kon i Tuhan, bo inta nokidongog kon tosingogon in mogogundoi-Nea, daḷan inta binayáan monimu degá nosindip, bo diá in sindar inta nonindar kon inimu; táe popirisayadon kon i Tuhan; kadaidon kon i Allahmu.

YESAYA 54:1

Yerusalem, dungkuḷmai iko in naonda bo bobay bantó inta diá monononggadí. Táe tanaa in porogiowdon, bo podondongdon takin ḷunganga in gina! Sin ki adímu mita in nobayong totok, noiḻiu kon adí bobay inta diá sinaḷáan in buḷoi.

OMBAḶ 1:13

Nongkon ḷangit pinoonag-Nea in tuḷú inta nomokak nodapot kon bonu in ginaku. Sinaannea in potait kon tayowonku inta nokopopisí kon inakó noḷabú. Bodongka pinomayá-Neadon mako in aku-akuoi mita in kinoantugan in roriga kinoouput in singgai.

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

LUKAS 18:7

Umpaka yo diá tuḷungan i Allah in intau inta ain piniḻí-Nea bo inta umuran doman mokuani kon i-Nia doḷom bo singgai? Umpaka yo onggo-onggotan-Neapa in wakutu-Nea motuḷung kon i monia?

LUKAS 2:37

táe tanaa sia dongkadon boba-bobay, bo umurnea aindon waḷu nopuḷú boopat notaong. Sia umuranbí mamangoi in Baḷoi Tuhan. Doḷom bo singgai sia mogaid kon onu inta kino ibog i Tuhan, sia in mosambayang bo mopuasa.

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

OUMAN IN RASUL MITA 6:1

Koonggot-koonggot dumodudui i Yesus kobayong-kobayong domandon. Kon wakutu intua intau mita in Yahudi inta nomaké in bahasa Yunani, mulaidon moyaat in gina kon intau mita in Yahudi taakan. Mosia in nosingog nanaa, “Intau nami inta dongkadon boba-bobay in diá kon dodai in onda in kosilaian in tonsilai monia inta silaionmai pomuḷoi in singgai.”

OUMAN IN RASUL MITA 9:39

Ki Petrus in baḷú nonoinut bo minayá noyotakin monia. Naonda in noiyaputmai kon tua, dinia monia in sia noponik kon gopot inta pinogukatan kon mayat i Dorkas. Bayongan in intau inta dongkadon boba-bobay komintan namangoi sinimindog kon diug i Petrus poḷat nongombaḷ bo mopoontong doman in ḷambung inta inaidan mita i Dorkas wakutu in nobiagpa.

OUMAN IN RASUL MITA 9:41

Dá kinadaiandon i Petrus in ḻimanea bo pinosindog. Onda intua inoiníneadon in intau mita inta mopirisaya bo bayongan intau inta dongkadon boba-bobay kon tua, bo ki Dorkas inta ain nobiag bui pinosarakanneadon kon i monia.

SURAT I PAULUS KON JAMAAT RUM 1:12

Nanaa in makusudku, lantaran kita bo tumpaḷadon mopirisaya kon i Yesus Kristus, dá musti umuran mosirigonan in kita.

SURAT I PAULUS KON JAMAAT RUM 1:5

Bo pinongin i-Nia doman tua ki Allah in nobogoi in totabi kon i-Nakó nobaḻí rasul, sin mopotutui in daḷan kon bayongan intau sinbá mopirisaya bo motoindudui kon i-Nia.

KORINTUS 1 7:32

Ibogonku moiko komintan moiyayúdon kon bayongan roriga. Tuamai, intau inta diá kobuḷoi in musti mokopotantú kon raiannea bo mogaid kon onu inta kinoibog i Tuhan, bo moposanang in ginanea.

KORINTUS 1 7:34

tuamai in diá motantú in raiannea. Bobay inta diá kobuḷoi, andeka inta mongodeagapa, moantó in raiannea kon soaḷ ki Tuhan. Sin ibogonnea in kobiagannea tua in komintandon posarakan kon i Tuhan. Táe bobay inta kobuḷoidon, umuranbí in sia morai kon soaḷ mita in dunia naa, sin moibog in sia moposanang in gina i buḷoinea.

EPESUS 6:18

Aidai intua komintan takin mosambayang mopoigum kon totuḷung i Allah. Posambayangdon pomuḷoi mako podudui ibog in Roho i Allah kon i monimu. Umuran pobasadia in moiko bo dika umundok. Tantú sambayangai in bayongan umat i Allah.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

TIMOTIUS 1 2:1

Naa in totok poigumonku, aka moiko mosambayang mopoigum, bo mopoyaput in sukur kon i Allah, yo dika koḻiongan in bayongan intau, sambayangaibí komintan in mosia;

TIMOTIUS 1 5:16

Táe aka oyúon in intau Keresten inta kon tombonu in baḷoinea nobaḻídon boba-bobay, yo musti tompiaannea in sia, dikabí tongá moharap mako kon totuḷung in jamaat. Sin aka natua, dá jamaat in motaau bidon mayá motayak kon boba-bobay ibanea inta diádon in ginaḷumnea.

TIMOTIUS 1 5:3

Horomatbí in intau inta dongkadon boba-bobay bo inta nobiag dongka sia-sia mita.

TIMOTIUS 2 1:3

Akuoi mopoyaput in sukur kon i Allah inta binantunganku takin gina motuḻid bo modarit ná inta inaidan in mogoguyangku tungkuḷ intua. Umuranku sambayangan in moiko pomuḷoi in kotoropanku doḷom ande singgai.

PETRUS 1 3:5

Nanaabí in aid in bobay mita koagama inta noharap kon i Allah tungkuḷ intua. Mosia mopoḷunat in awak takin aid inta kodu-kodudui kon i buḷoi monia.

RUT 2:12

Poigumon mako ki Tuhan in mobogoi in tontuḻí kon bayongan in aidmu inta mopia. Poigumon mako iko in motarima kon onu inta patus ogoi i Tuhan, Allah in Israel kon inimu, sin iko ain namangoi mokiḷukad kon i-Nia!”