TIMOTIUS 1 3:4 - Alkitab Singog In Mongondow Masa In Tanaa

⁴ Sia in musti motaau monompia kon tombonu in baḷoinea, motaau modidik kon i adínea mita sinbá motoindudui bo mohoromat kon inia.

TIMOTIUS 1 3:4 Iomraidhean Croise

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

OUMAN IN RASUL MITA 10:2

Intau inta totok in mopia. Sia bo tombunu in baḷoinea komintan motoguondok kon i Allah. Moibog motuḷung kon intau mita in Yahudi inta nongobogá, bo morajing mosambayang.

EPESUS 5:24

Tuamai in naonda bo jamaat inta musti motoindudui kon i Kristus, yo musti doman natua in buḷoi bobay, kon bayongan in yagi-yagi musti in sia motoindudui kon i buḷoinea.

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

TIMOTIUS 1 3:12

Intau inta mobaḻí mobobantung kon jamaat, mustibí tongá tobatú in ki buḷoinea. Bo musti doman motaau modidik kon i adínea mita bo mopia monompia kon kobobiag in tombonu in baḷoinea.

TITUS 1:6

Intau inta baḻíon itoi kon jamaat in mustibí intau inta mopia; bo tongá kobuḷoi kon tobatú; bo ki adínea mita mustibí inta komintandon nopirisaya kon i Kristus bo diá doman mokaḷakuang, bo moibog doman mokidongog kon guyanga.

TITUS 2:2

Tongginaai in guyanga mita ḷoḷaki, sinbá mokotahang kon gina in mosia, mobijaksana bo mobiag saḷaku guyanga inta patus horomaton. Umuran doman kumadai kon totundú inta noitutui nongkon i Allah bo totu-totuu doman motabi bo mosabar aka koantugan in roriga.

TITUS 2:7

Bo kon bayongan in yagi-yagi, oaidmu in musti mobaḻí dodayanan inta mopia kon i monia. Aka motundú in iko yo mustibí mokopojujur bo totu-totuu motundú.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”