TIMOTIUS 1 1:19 - Alkitab Singog In Mongondow Masa In Tanaa

¹⁹ Sin oyúondon in intau inta doídon dumudui kon ibog in ginanea inta mopia bo modarit, sahingga in nogoguyaatdon in pirisaya monia.

TIMOTIUS 1 1:19 Iomraidhean Croise

MATIUS 6:27

Oyúon degá intau kon sigad monimu inta popisí in mohawatir, dá sia in modugang kon umurnea biar tongá topiḻikmai?

KORINTUS 1 11:19

Tongá oyúonbí doman in pianea kon tua, sinbá koontongandon in intau inta totu-totuu nobaḻí Keresten.

GALATIA 5:4

Aka moiko bo moramuji dumudui kon hukum i Musa sinbá posaḷamaton, yo tua in mangaḻenea hubungan monimu takin i Kristus in nobontowdon. Bo aka natua yo moiko in nobiag bidon kon ḷuai in totabi i Allah.

TIMOTIUS 1 1:5

Akuoi in mononggina nanaa sinbá intau kopakéandon in gina modarit motuḻid bo totu-totuudon mopirisaya kon i Tuhan, sahingga in oyúondon in totabian kon tumpaḷa intau.

TIMOTIUS 1 3:9

Takin gina modarit bo motuḻid mosia in musti umuran kumadai kon totundú inta pinirisaya in intau Keresten inta ain pinoniata i Allah.

TIMOTIUS 1 6:12

Poramujidon totu-totuu mobiag saḷaku intau inta mopirisaya kon i Kristus. Mobiag mobanar bá mouḻímu in kobiagan mononoi. Sin tuabí in mangaḻe in pinogoinían i Allah kon inimu bo tua doman komintan inta umuran inakumu kon tayowon in intau moantó.

TIMOTIUS 1 6:21

Sin oyúondon in intau inta motundú kon natua sahingga in doídon mosia dinumudui kon onu inta sinundú i Kristus Yesus. Igumon mako ki Allah in umuran mobogoi in barakat bo totabi kon i monimu komintan. Horomat nami, Ki Paulus

TIMOTIUS 1 6:9

Táe intau inta moibog mobaḻí mooyúon tombodokondon in ibognea inta diá in baragunanea bo inta mokogoguyaat kon inia. Ibog mita tatua in mokorimumud bo mokobodito kon inia.

TIMOTIUS 2 2:18

Mosia tua ain inumukat kon totundú inta mobanar bo mopotombauk kon pirisaya in tongonumai intau. Mosia in noguman, kon kobiagan nongkon kinopatoian ain bidon nobaḻí.

TIMOTIUS 2 4:4

Mosia in doí bidon mokidongog kon totundú inta noitutui, dongka bidon moibo-ibog mokidongog kon ouman mita inta diá in baragunanea.

TITUS 1:9

Sia in musti umuran kumadai moropot kon totundú inta mobanar, ná inta ain sinundú kon inia. Takin natua in sia motaau mononggina kon intau podudui kon totundú inta nobanar, bo mopoontong kon onu inta noitaḷá kon intau mita inta moḷawang kon inia.

IBRANI 3:14

Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 3:3

Tuamai in toropdon bui in onu inta ain sinundú kon i monimu koḻipod bo onu inta ain dinongog monimu. Duduiai intua bo pogogaidon in mogaid kon dosa mita. Aka moiko bo diá mobangon, yo Akuoi in mamangoi kon i monimu naonda bo mononakow; bo diábí kotaauan monimu mongo toonu in Akuoi in mamangoi.

WAHYU 3:8

Kinotaauan-Kubí in onu inta inaidan monimu. Kinotaauan-Kubí kon ropot monimu in diábí tongonu; moiko ain dinumudui kon totundú-Ku bo motoindudui kon i-Nakó. Moiko in pinobukatan-Kudon kon tobatú ḷoḻingkop, inta diábí koḻingkopan i inekabí.