TAWARIKH 1 5:1 - Alkitab Singog In Mongondow Masa In Tanaa

^1-2 Ki Ruben naa in adí guya-guyang i Yakub. Táe popisí in ki Ruben naa in ain nopoonagmai kon kahoromatan in pahang tobatú i amánea, dá haknea saḷaku adí guya-guyang in ginamádon nongkon inia bo inogoi kon i Yusup. Umpaka natua táe inta totok in moropot kon sigad in buí Yakub in deemanbí suku i Yusup táe sukubí i Yohuda. Nodapot inta muna-munamai totok nobaḻí datu kon bayongan umat in Israel in nongkon sukubí i Yohuda tua.

TAWARIKH 1 5:1 Iomraidhean Croise

KINOBAḺIAN 25:23

Ki Tuhan noguman kon inia, “Doyowa nobangusa nion kon bonu in sianmu; iko mopononggadí in bangusa doyowa inta mososaturuan; ai-ai in moropo-ropot nongkon guya-guyang inta guya-guyang mobaḻí bobantung in ai-ai.”

KINOBAḺIAN 25:31

Tubag i Yakub, “Motaau, asaḷ bo ogoimudon muna in hakmu saḷaku adí guya-guyang.”

KINOBAḺIAN 29:32

Ki Lea in sidiadon bo nopononggadídon in adí ḷoḷaki tobatú. Gumannea, “Ki Tuhan ain noindoi kon rorigaku, bo tanaa ki buḷoiku in motabidon kon inakó.” Bo sinangoianneadon in adí tatua ki Ruben.

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 46:8

Tangoi mita in motoḷuadí i Yakub inta sinumakin minayá in Mesir in:

KINOBAḺIAN 48:5

Guman bui i Yakub, “Yusup, ki adímu doyowa, ki Epraim bo ki Manasye inta noilahir kon Mesir naa kon dodai in akuoi diápa noyaput kon naa, inanggapkubí ná ki adíku tontaní, pinodayan ná ki Ruben bo ki Simeon.

TAWARIKH 1 2:1

Adí ḷoḷaki i Yakub in mopuḷú bo doyowa: ki Ruben, ki Simeon, ki Lewi, ki Yohuda, ki Isakhar, ki Zebulon,

TAWARIKH 1 26:10

Nongkon inanakan i Merari sinundú in ki Hosa. Sia in kogadí kon adí ḷoḷaki opat: ki Simri (sia in deemanbí guya-guyang táe dinuí i amánea nobaḻí itoi),

IḶUAIAN 6:14

Ki Simeon bo ki buḷoinea inta bobay in Kanaan kogadí kon adí ḷoḷaki onom: Ki Yemuel, ki Yamin, ki Ohad, ki Yakhin, ki Zohar bo ki Saul. Mosia tua in mogoguyang in suku Simeon.

IMAMAT 18:8

Dika mopoonagmai kon i amámu takin mosiug moyotakin i buḷoinea tobatú inta kon sigad i buḷoinea ibanea.

IMAMAT 20:11

Intau ḷoḷaki tobatú inta mosiug takin i buḷoi tobatú i amánea, yo sia tua nogagowdon kon hak i amánea. Ḷoḷaki bo bobay tatua in mustibí hukumon matoi. Mosia in minatoi sin pinopisí in taḷá monia tontaní.

PINOGIAPAN 1:5

Naadon in tangoi in intau mita inta piniḻí nongkon umat sin mobantung kon i Musa bo kon i Harun bo inta mobaḻí itoi kon sukunea-sukunea, naa in mosia tua: Suku Itoi Ruben ki Elizur adí i Syedeur Simeon ki Selumiel adí i Zurisyadai Yohuda ki Nahason adí i Aminadab Isakhar ki Netaneel adí i Zuar Zebulon ki Eliab adí i Helon Epraim ki Elisama adí i Amihud Manasye ki Gamaliel adí i Pedazur Benyamin ki Abidan adí i Gideoni Dan ki Ahiezer adí i Amisyadai Asyer ki Pagiel adí i Okhran Gad ki Elyasap adí i Rehuel Naptali ki Ahira ki adí i Enan

PINOGIAPAN 16:1

Ki Korah adí i Yizhar nongkon inanakan i Kehat, suku Lewi, nomarontak kon i Musa. Sia dinuḷuan in intau toḷu nongkon suku i Ruben, ki Datan bo ki Abiram adí mita i Eliab, bo ki On adí i Pelet bo doyowa nogatut bo ḻima nopuḷú in intau itoi inta mongotoyang inta piniḻí in rayat.

PINOGIAPAN 26:5

Nongkon suku i Ruben, adí guya-guyang i Yakub: inanakan i Henokh, i Palu,

KORINTUS 1 5:1

Akuoi in sabanarnea nokodongog bidon kon lapuran kon naanta oyúon bidon kon sigad monimu in moibog mogaid kon inta mokotor: Oyúon in kon sigad monimu in nonuaḻing takin i inánea uatok. Intaupa inta diá nonotaau kon i Tuhan diábí doman mogaid kon natua!

ULANGAN 21:17

Sia in mustibí mobogoi in doyowa nosilai nongkon kapunyaannea kon adí ḷoḷaki inta guya-guyang, umpakabí adí tatua deeman ki adí i buḷoinea inta totok in kinotabinea. Hak in adí guya-guyang mustibí akúon i amánea, bo adí tatua in mustibí ogoian in haknea podudui in hukum.”

ULANGAN 27:20

‘Kinutuk in intau inta mopoompámai kon i amánea popisí in nosiugdon takin buḷoi tobatú i amánea.’ ‘Amin!’

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

KOLOSE 1:15

Ki Kristus tua in gambar inta noniata nongkon awak i Allah inta diá koontongan; Sia in ki Adí i Allah inta guya-guyang, bo inta totok in moponting nongkon bayongan inta pinomia.

YOSUA 14:6

Kon singgai tobatú intau mita nongkon suku Yohuda namangoi kon i Yosua kon Gilgal. Intau tobatú nongkon sigad monia inta ki Kaleb adí i Yepune intau in Kenas, in noguman, “Yosua! Iko in nonotaaubí kon onu in pinoguman i Tuhan kon i Musa, totabá i Allah tua, kon Kades-Barnea soaḷ iko bo akuoi.