TAWARIKH 1 12:3 - Alkitab Singog In Mongondow Masa In Tanaa

^3-7 Itoi monia tua in ki Ahiezer bo ki Yoas adí mita i Semaa nongkon Gibea. Naa in pojuang mita tatua: Ki Yeziel bo ki Pelet ki adí mita i Azmawet Ki Berakha bo ki Yehu intau in Anatot Ki Yismaya intau in Gibeon, pojuang inta ponango-nangoian inta nobaḻí tobatú itoi in paanan “Tridasawira”. Ki Yeremia, ki Yahaziel, ki Yohanan bo ki Yozabad intau in Gedera Ki Eluzai, ki Yerimot, ki Bealya, ki Semarya bo ki Sepaca intau in Harupi Ki Elkana, ki Yisia, ki Azareel, ki Yoëzer bo ki Yasobam nongkon inanakan i Korah Ki Yoëla bo ki Zebaja adí mita i Yeroham intau in Gedor.

TAWARIKH 1 12:3 Iomraidhean Croise

SAMUEL 2 21:6

Tuamai, ogoidon in intau pitu nongkon buínea inta ḷoḷaki, sinbá gantongon nami kon tayowon i Tuhan kon Gibea, kotá i Datu Saul tontaní.” Tubag i datu, “Mopia, ogoikubí in mosia.”

TAWARIKH 1 12:2

Mosia tua in nongkon suku Benyamin ná ki Saul. Mosia tua in mopandoi momiot in piot bo momakot – pinomayá ḻima koḷanan andeka ḻima koḷoigi.

TAWARIKH 2 20:26

Kon singgai noginggopat nosipun komintan in mosia kon Ḷopá in Dodayow bo nodayow kon i Tuhan kon bayongan inta ain inaidan-Nea. Manangka intua ḷopá tatua sinangoiandon “Dodayow”.

SAMUEL 1 11:4

Natuata in totabá mita tatua nodapot in Gibea, tampat pinogutunan i Saul. Naonda in mosia nopotaau in habar tatua, nongombaḷdon in rayat popisí in kinobuḻiandon in kamang.