TAWARIKH 1 10:12 - Alkitab Singog In Mongondow Masa In Tanaa

¹² intau mita inta totok in mongobarani kon sigad monia in minayá nogamá kon mayat i Saul bo i adínea mita ḷoḷaki bo dinia monia kon Yabesh. Iḷobong monia in tuḷannea mita kon siungon in pangkoi in kayu moḷoben onda intua mosia nopuasa pitu nosinggai in koonggotnea.

TAWARIKH 1 10:12 Iomraidhean Croise

KINOBAḺIAN 12:6

Ki Abram noḻibu kon butá tatua bo noidapotdon in sia kon tobatú pangkoi in kayu inta kai monia mokaramat kon More, inta tampat pososumbaan kon Sikhem. (Kon dodai intua intau in Kanaan nogutunpa kon butá tatua.)

KINOBAḺIAN 35:8

Kon tua doman ki Debora, tobatú moḷoḷukad kon i Ribka, minatoi bo iḷobong kon siungon pangkoi in kayu moḷoben inta kon dotá in toḷatan kotá tatua. Tuamai pangkoi in kayu tatua sinangoian “Pangkoi Moḷoben Pinongombaḷan”.

KINOBAḺIAN 50:10

Naonda in mosia nodapot kon tampat pobobantingan in intau kon gandum kon Goren-Haatad, kon dotá in pomukaan kon Ongkag in Yordan, mosia in nongombaḷ takin kuyang in gina bo takin doman ombaḷ moropot. Ki Yusup nomia kon pinonusaan, pitu nosinggai in koongotnea.

SAMUEL 2 3:35

Kinoouputbí in singgai intau mita moḷongasi modondouḷug kon i Daud sinbá mongaanpa umpaka tongá topiḻikmai, táe sia in nongibot, “Igumon mako ki Allah in moḻimod kon inakó, aka akuoi mongaan kon dodai in mata in singgai diápa tumoyop!”

TAWARIKH 1 10:11

Naonda in intau inta kon Yabesh inta kon Gilead nokodongog kon onu inta ain inaidan in intau in Pilistin kon i Saul,

YOHANES 11:19

Kon tua nobayong intau in Yahudi in namangoi bo nohiburmai kon i Marta bo kon i Maria sin kinopatoian i utat monia.

SAMUEL 1 11:1

Noiduduimai kon tua ki Nahas, datu in Amon, nopotabádon in tontaranea bo nongopung kon kotá in Yabesh kon butá in Gilead. Intau mita in Yabesh noguman nanaa kon i Nahas, “Pomiadon kon dodandian takin nami, dá kami in tumungkudon kon inimu.”

SAMUEL 1 11:9

Nopaḷut mako kon tua pinotaaudon nanaa kon totabá nongkon Yabesh: “Potaaudon kon bayongan in intau kon Yabesh, kon ikoḷom doḷo-doḷom kon dodai in diápa moutu in singgai, mosia in mokouḻíbí kon totuḷung.” Naonda in intau mita in Yabesh notarima kon koyow tatua, nopiadon totok in gina monia.

SAMUEL 1 31:12

bo intau mita inta totok in mongobarani nobuat nongkon tua bo minayá in Bet-Sean kinoouput in doḷom tua. Pinopoponag monia in mayat i Saul bo mayat i adínea mita ḷoḷaki nongkon dinding in kotá tatua bodongka dinia monia kon Yabesh, bo sinubá monia.