SAMUEL 1 9:1 - Alkitab Singog In Mongondow Masa In Tanaa

¹ Oyúon in intau tobatú inta nobiag nooyúon bo kinobangkaḷ nongkon suku in Benyamin, tangoinea in ki Kish. Sia in tombonu in motoḷuadí i Bekhorat, uputpa nongkon in inanakan i Apiah. Ki amánea in ki Abiel bo ki akinea in ki Zeror.

SAMUEL 1 9:1 Iomraidhean Croise

SAMUEL 2 19:32

Ki Barzilai in nogoguyangdon totok, umurnea in waḷudon nopuḷú notaong. Sia in nobiag nooyúon totok bo kon dodai in ki datu nogutun kon Mahanaim koḻipod, ki Barzilai naa inta nopooyúon in kaanon i datu.

ESTER 2:5

Kon kotá in Susan tatua oyúon in intau in Yahudi inta tangoinea in ki Mordekhai ki adí i Yeir. Sia in buí i Kis bo i Simei nongkon suku i Benyamin.

AYUB 1:3

Koḻikud intua nobayong doman in atanea, dombanea in 7.000, unta in 3.000, sapi in 1.000, bo keledai in 500. Impoḷok mako in singog, sia tua in intau inta totok in nooyúon kon sigad in intau inta nogutun kon butá kon dotá in pomukaan.

OUMAN IN RASUL MITA 13:21

Noidudui kon tua mosia noigum kon datu, dá inogoi i Allah in ki Saul, ki adí i Kish inta nongkon suku Benyamin. Opat nopuḷú notaong sia in nobaḻí datu.

SAMUEL 1 10:23

Bo ḷagidon in mosia minayá nonontomu kon i Saul nongkon tua, bo dinia monia kon yua-yuak in rayat. Dá sinimindogdon in ki Saul kon sigad monia bo siadon in moḷantu-ḷantud nongkon i monia komintan; intau ibanea in tongá kon mangoi mita in obaganea.

SAMUEL 1 14:51

Ki Kish, amá i Saul, bo ki Ner amá i Abner, in ki adí mita i Abiel.

SAMUEL 1 25:2

Kon kotá in Maon oyúon in ḷoḷaki tobatú nongkon inanakan i Kaleb, tangoinea in ki Nabal. Sia tua in kobutá ponombobiagon kon diug in kotá in Karmel. Sia tua in nobiag nooyúon totok bo kodomba 3.000 bo bembé 1.000. Ki Abigail ki buḷoinea, mopandoi bo moḷunat, táe ki Nabal in mokaḷakuang bo moromú in dodianea. Kon singgai tobatú ki Nabal koyogot in monggonsingmai kon bubuḷ in dombanea kon Karmel.