SAMUEL 1 7:1 - Alkitab Singog In Mongondow Masa In Tanaa

¹ Dá intau kon Kiryat-Yearim nogamá kon Poti Dodandian i Tuhan tatua bo dinia monia pinobayá in Baḷoi i Abinadab; baḷoi tatua in kon tudu in buḷud. Onda intua mosia noduí kon i Eleazar adí i Abinadab, sin mobaḻí moḷoḷukad kon Poti Dodandian tatua.

SAMUEL 1 7:1 Iomraidhean Croise

TAWARIKH 1 13:3

Onda intua mayá in kita mogamá kon Poti Dodandian i Allah inta pinomayádon mako natua kon bonu in pinomarentaan i Datu Saul.”

MAZMUR 132:6

Kon Betlehem dinongog naton soaḷ Poti Dodandian, bo nouḻí kon rawang in Yaar.

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YOSUA 18:14

Nongkon dotá in toyopan kon buḷud tatua, botok sigad in butá tatua nomurow ná toḷatan nopobayá ná Kiryat-Baal (inta Kiryat-Yearim). Kiryat-Baal in kapunyaan in suku Yohuda. Tuata in botok sigad in butá tatua kon dotá in toyopan.

SAMUEL 1 6:21

Bo nopotabá in mosia in intau minayá kon intau mita in Kiryat-Yearim takin koyow nanaa, “Intau mita in Pilistin nopobuidon in Poti Dodandian i Tuhan. Angoi bo diádon in poti tatua kon ḻipúmu.”

SAMUEL 1 7:2

Noonggotbí doman in Poti Dodandian tatua kon Kiryat-Yearim, degá doyowamai nopuḷú notaong, Bo kon dodai intua bayongan umat in Israel mokuanimai kon i Tuhan mokituḷung.