SAMUEL 1 6:2 - Alkitab Singog In Mongondow Masa In Tanaa

² intau in Pilistin nogoiní kon imang mita bo mososihir bo noḻibó, “Onuon naton in Poti Dodandian i Tuhan tatua? Aka pobuion naton kon tampatnea, yo naonda in mopobui?”

SAMUEL 1 6:2 Iomraidhean Croise

KINOBAḺIAN 41:8

Nobangon monik doḷo-doḷom moajardon totok in ginanea, tuamai sia nomarentadon nokioiní in bayongan mososihir bo intau mita inta mopandoi kon Mesir. Bodongka inoumannea in togoindopnea tatua kon i monia, táe diá tobatúmai in kon sigad monia tua motaau moginsilang kon mangaḻe in togoindopnea tatua.

IḶUAIAN 7:11

Tuamai ki datu in nogoiní doman kon intaunea mita inta mototaau bo inta mososihir, bo mosia in nogaid doman kon ná tua pinongin totaau monia tatua.

YESAYA 2:6

O Allah, Iko in nonaḷádon kon umat-Mu, buí i Yakub! Sin kon ondakabí kon butá tanaa intau in mopomaké in ilimu sinotaau monia inta nongkon pomukaan bo nongkon Pilistin. Intau mita dumudui kon adat in intau ibanea.

DANIEL 2:2

Tuamai in inoiníneadon in mononoḻindap, mototaau, mogogonow bo intau mita inta kototaau, sin moginsilang kon togoindopnea tatua.

DANIEL 5:7

Bo nomaḷú totok in sia in nopoigum sinbá mononanow, mototaau bo intau inta nonotaau totok in bobayá in tundi in oiníon. Naonda in mosia namangoi, ki datu in noguman, “Ki ine in mokobaca kon pais tatua bo mopotaau in mangaḻenea kon inakó, yo ogoianku in pakeang dodatuan ná jubah nokamumu bo boboḷ buḷawan nobaḻí tomponuot kahoromatan. Koḻikud intua sia in duíonku mobaḻí mongongawasa intoḷunea kon dodatuanku.”

MATIUS 2:4

Dá sinipunnea in imang mita tongguḷunea bo guru mita in agama intau in Yahudi. Bodongka noḻibó kon i monia, “Kon onda in popononggadían kon i Mesias?”

SAMUEL 1 5:8

Tuamai in nogoiní in mosia kon datu in Pilistin taya ḻima sin moyosipun, bo noḻibó, “Onuon naton in Poti Dodandian i Allah in Israel tatua?” Tubag in datu mita tatua, “Pampingdon kon kotá in Gat.” Dá, poti tatua pinampingdon kon kotá in Gat, kotá tobatú ibanea kon Pilistin.

SAMUEL 1 6:1

Naonda in Poti Dodandian i Tuhan tatua pitudon nobuḷan in koonggotnea kon Pilistin,