SAMUEL 1 5:3 - Alkitab Singog In Mongondow Masa In Tanaa

³ Naonda in nobangon monik doḷo-doḷom intau mita in Asdod namangoi in kuil tatua, inontong monia in patong i Dagon noumpagdon moitongkob kon butá, kon tayowon in Poti Dodandian i Tuhan! Binuat monia in patong tatua bo inukat bui kon tampatnea.

SAMUEL 1 5:3 Iomraidhean Croise

DATU MITA IMITÁNEA 18:26

Dá nomiḻídon in mosia kon sapi tobatú bo sinadiadon. Nopaḷut mako kon tua mosia in nosambayangdon kon i Baal nongkon doḷo-doḷom nodapot in noutu in singgai sindaḷan momaḷu-maḷú, “Tubagaidon in kami, Baal!” Inaidan monia intua poḷat doman motayok bo moḻibu kon mezbah monia. Táe totokbí in diá in tubagnea.

MAZMUR 115:7

Mosia in koḻima, táe diá mokokokap, kosioḷ, táe diá mokobayá, bo diábí in singog in ḷumuai nongkon sigoḷoknea.

MAZMUR 97:7

Bayongan in intau inta mosumba kon berhala in pokopooyáanbímai, inta nopoyunggaga kon pakakat mita inta diá in mangaḻenea; bayongan in dewa in dumokóbí kon tayowon i Tuhan.

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

YESAYA 19:1

Naa in koyow kon Mesir. Ki Tuhan in namangoi in Mesir sinumakoi kon goḷom inta moḻikat. Berhala mita in Mesir gumugur kon tayowon-Nea bo intau mita in Mesir yimintok in gina.

YESAYA 40:20

Intau inta diá mokotaḷui kon buḷawan andeka saḷaka, momiḻí kon kayu inta diá mogampang mogoguyaat. Sia in notayak kon mogogimok inta mopia totok sin mogaid kon patong inta diá mogampang modandú.

YESAYA 41:7

Mogogimok kon kayu moginropot kon gina in intau mongongurig kon buḷawan, intau inta monontaḷ kon logam momaké in dodupá in modayow kon intau inta monontaḷ kon datoḷan. Kainia, ‘Mopia moitutui in oaidanmu’; bodongka inirigonannea in pakú sinbá diá moḻiai.

YESAYA 46:7

Patong tatua in pinakú bo inukat kon tampatnea, patong tatua in simindog mako kon tua bo diá mokopomamping. Aka intau mosambayang kon inia, diábí tubagannea, bo diábí mokoposaḷamat kon inia nongkon roriganea.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

ZEPANYA 2:11

Baḻíonbí i Tuhan moondok in mosia. Sia in morimumudbí kon dewa mita kon butá. Bo bayongan in bangusa in moibadabí kon i Tuhan, kon batúannea kon butá monia tontaní.

MARKUS 3:11

Bo intau mita inta kinotoḷangan in dimukud moraat, pomuḷoi in mokoontong kon i-Nia baḷú tumungkud kon tayowon-Nea bo momaḷú in moguman, “Ikobí nion in ki Adí i Allah!”

SAMUEL 1 6:1

Naonda in Poti Dodandian i Tuhan tatua pitudon nobuḷan in koonggotnea kon Pilistin,

SAMUEL 1 6:5

Dá moiko in musti momia popodayan kon bobentuḷ mita bo boyod inta koyogot in momogutú kon butá monimu. Aka natua dá moiko in mohoromat kon i Allah in Israel. Dika-dika bo mogogaidon in Sia mohukum kon i monimu, bo dewa mita takin butámu.