SAMUEL 1 5:1 - Alkitab Singog In Mongondow Masa In Tanaa

¹ Naonda in intau in Pilistin nogagow kon Poti Dodandian i Allah, dinia monia nongkon Eben Haezer pinobayá in kotá monia, Asdod.

SAMUEL 1 5:1 Iomraidhean Croise

MAZMUR 78:61

Pinomayá-Nea mako in Poti Dodandian-Nea dinakop; lambang in kamuliaan-Nea inagow in musung.

YESAYA 20:1

Podudui in parenta i Sargon, datu in Asyur, panglima in tontara in Asyur nonubu kon Asdod, kotá tobatú in Pilistin.

AMOS 3:9

Potaaudon in naa kon intau mita inta nogutun kon komaḻig in Mesir bo Asdod, “Poyosipundon kon buḷud mita kon diugmai in Samaria, bo indoiaidon in kotombaukan moḷoben bo pogagowan inta nobaḻí kon tua.”

OUMAN IN RASUL MITA 8:40

Indoianmai yo kon Asdod bidon in ki Pilipus. Bo kon dodai in sia nogingguput kon bobayáannea tatua, sia in umuran doman mopoyaput in Habar Mopia soaḷ ki Yesus kon kotá-kotáannea noiyaput kon Kaisarea.

YOSUA 11:22

Diá in tobatúmai in nongkon bangusa in Enak tatua in sinonggagatan kon butá in Israel, tongádon kon Gaza, Gad, bo kon Asdod in oyúonpa.

YOSUA 13:3

bo bayongan butá in Awi nopobayá; ná toḷatan. (Butá inta nongkon Ongkag in Sikhor kon pinosigadan in Mesir nodapot kon pinosigadan in Ekron kon dotá in utuan, tua komintan in noituot kon butá in bangusa Kanaan; bo datu mita in Pilistin nogutun kon Gaza, Asdod, Askelon, Gat bo Ekron.)

SAMUEL 1 4:1

Kon dodai intua intau in Pilistin nopotabádon in bayongan in tontaranea sin moḻibut kon Israel; tuamai tontara in Israel minayá in tampat pinoparangan; mosia nononḷoḷaigan kon diug in Eben-Haezer, bo tontara in Pilistin nononḷoḷaigan kon Apek.

SAMUEL 1 4:11

Poti Dodandian i Allah inagow in musung in Israel, bo ki adí i Eli doyowa, ki Hopni bo ki Pinehas, minatoi.

SAMUEL 1 6:1

Naonda in Poti Dodandian i Tuhan tatua pitudon nobuḷan in koonggotnea kon Pilistin,

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.