SAMUEL 1 4:1 - Alkitab Singog In Mongondow Masa In Tanaa

¹ Kon dodai intua intau in Pilistin nopotabádon in bayongan in tontaranea sin moḻibut kon Israel; tuamai tontara in Israel minayá in tampat pinoparangan; mosia nononḷoḷaigan kon diug in Eben-Haezer, bo tontara in Pilistin nononḷoḷaigan kon Apek.

SAMUEL 1 4:1 Iomraidhean Croise

DATU MITA IMITÁNEA 20:26

Kon sempo in pononubú noiduduimai nopotabádon in sia in tontaranea bo nopobayá ná kotá in Apek sin monubu kon intau in Israel.

DATU MITA IMITÁNEA 20:30

Intau mita inta nokoḷagui, noḷagui minayá in kotá in Apek, táe dinding in kotá tatua noumpag bo noibumbun kon 27.000 in intau kon sigad monia. Ki Benhadad in noḷagui doman minayá in kotá tatua bo nogadop kon tobatú baḷoi kon gopot dotá in bonunea.

MAZMUR 83:7

bangusa in Edom bo Ismael, intau mita in Moab bo Hagar;

ULANGAN 29:10

Singgai naa moiko komintan in simindog kon tayowon i Tuhan Allahmu, bayongan tongguḷu in suku, guhanga mita in ḻipú, porwira, bayongan in ḷoḷaki,

YOSUA 13:4

Bo mustipa doman agowon: bayongan butá in Kanaan bo Meara (kapunyaan in bangusa in Sidon), nodapot kon Apek kon pinosigadan in butá in bangusa Amori;

YOSUA 19:30

Uma, Apek, bo Rehob. Kobayong in butá monia tua in doyowa nopuḷú bodoyowá in kotá takin ḻipú mita kon diugneamai.

SAMUEL 1 10:19

Akuoi ain nopoḷuat kon i monimu nongkon bayongan roriga bo sikisa, táe tanaa in moiko mondoídon kon i-Nakó, ki Allahmu, sin moiko in mopoigum sinbá Akuoi motayak kon datu tobatú kon inimu. Dá, poyosipundon kon tayowon-Ku, ki Tuhanmu, podudui in suku bo inanakanmu.’ ”

SAMUEL 1 29:1

Intau in Pilistin nosipundon kon bayongan in tontaranea kon Apek, bo intau in Israel in nononḷoḷaigan kon diug in bokaká kon Ḷopá in Yizreel.

SAMUEL 1 3:11

Bo nogumandon in ki Tuhan kon inia, “Mogaidon in Akuoi kon inta totok in motoyang kon intau in Israel, dá bayongan in intau inta mokodongog kon tua in motoboḻingodon.

SAMUEL 1 4:2

Tontara in Pilistin nomangkoidon nonubu, bo naonda in nomangkoidon noparang totok, tontara in Israel sinaḷow bo degá opatmai noribu in minatoi kon pinoparangan tatua.

SAMUEL 1 5:1

Naonda in intau in Pilistin nogagow kon Poti Dodandian i Allah, dinia monia nongkon Eben Haezer pinobayá in kotá monia, Asdod.

SAMUEL 1 7:12

Nopaḷut mako kon tua ki Samuel noposindog in batu tobatú, kon pinosigadan in Mizpa bo Sen. Sia in noguman, “Ki Tuhan totu-totuudon notuḷung kon inaton.” – Bo batu tatua in sinangoiannea “Batu Pinotuḷungan”.