SAMUEL 1 3:6 - Alkitab Singog In Mongondow Masa In Tanaa

^6-7 Onda intua ki Tuhan bui nogoiní kon i Samuel, táe diábí kinotaauan i Samuel kon ki Tuhanbí in nogoiní kon inia tua, sin diápabí kon dodai in onda in ki Tuhan noyosingog takinnea. Tuamai in nobangon in sia, bo bui minayá kon i Eli bo noḻibó, “Nongonu Amá? Nongonu sin mogoiníbí in ki Amá kon inakó?” Ki Eli notubag, “Diábí in akuoi nogoiní kon inimu, adíku; posiugdon bui.”

SAMUEL 1 3:6 Iomraidhean Croise

KINOBAḺIAN 43:29

Naonda in ki Yusup nokoontong kon i Benyamin, ki ai-ainea, sia in noguman, “Dá sia tanaa degá in ki ai-ai monimu inta muit tatua, inta ain inouman monimu kon inakó? Igumon mako ki Allah momarakat kon inimu, adíku.”

SAMUEL 2 18:22

Táe ki Ahimaas in nomakisa kon i Yoab, “Onuka in mobaḻí, ogoi domandon in akuoi mopoyaput in habar.” “Nongonu sin iko in totokbí in momakisa kon mayá doman, adíku?” ki Yoab noḻibó. “Iko in diábí motarima kon tondan intua.”

MATIUS 9:2

Bo intau nodia mangoi kon i-Nia in intau tobatú inta ḻempeng bo noitosiug mako kon tosiugannea. Naonda inontong i Yesus in pirisaya monia, Sia in noguman kon intau inta diá mokobayá tatua, “Popirisayadon, adí-Ku! Taḷámu aindon inampungan.”

SAMUEL 1 3:5

Onda intua noribatuk in sia minayá kon i Eli bo noḻibó, “Nongonu Amá? Nongonu sin mogoiní in ki Amá kon inakó?” Táe ki Eli notubag, “Diábí in akuoi nogoiní kon inimu, posiugdon bui uḻe.” Bo buidon minayá nosiug in ki Samuel.

SAMUEL 1 4:16

Intau tatua noguman kon i Eli, “Akuoi noḷagui in singgai naa nongkon tampat pinoparangan bo bagupa nodapot.” Ki Eli noḻibó kon inia, “Naonda in habar, adíku?”