SAMUEL 1 3:3 - Alkitab Singog In Mongondow Masa In Tanaa

³ bo ki Samuel in nosiug kon diug in Poti Dodandian i Tuhan, kon bonu in Ḷoḷaigan Motusi. Kon dodai in diápa nobayag bo togá koyongki-yongkitpa,

SAMUEL 1 3:3 Iomraidhean Croise

TAWARIKH 2 13:11

Pomuḷoi in doḷo-doḷom bo ḷoḷabungnea motubá in mosia kon dupa bo moposumba in kuruban angagon kon i Tuhan, bo poḷat moposadia in roti oḷudon. Pomuḷoi in doḷom mosia mopoyongkit in togá mita inta kon tudu in pototuduan kon togá nongkon buḷawan. Kami in umuranbí dinumudui kon parenta mita i Tuhan, táe moiko in nonaḷámaidon kon i-Nia.

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 29:9

Singog i Tuhan nodandú kon pangkoi mita in kayu nunuk, bo nokototak kon dáun mita kon kayuon; bo kon Baḷoi i Tuhan umat nomaḷú, “Dayowdon in ki Tuhan!”

MAZMUR 5:7

Yopúon-Mu in intau mita inta moibog monguboḷ. Mopopak bo moḷoḻimod mobú in Iko in mokoontong.

IḶUAIAN 25:31

“Pomiadon kon sioḷ in pototuduan kon togá nongkon buḷawan taakan. Aip in kokadaiannea musti pomiaan nongkon buḷawan inta tontaḷon; bungang mita ḷambá, moituot doman in daun bo poḷapánea musti motobatú takin aip bo kokadaiannea.

SAMUEL 1 1:6

Ki Hana naa in umuran i Penina inta buḷoi toḻindua tatua popoyaaton in ginanea bo singkuḻeon, sin ki Tuhan in diá nobogoi in adí kon inia.

SAMUEL 1 1:9

Kon singgai tobatú kon dodai in mosia nopaḷutdon nongaan kon Baḷoi i Tuhan kon Silo, ki Hana nobuatdon nongkon meja pongongaanan. Kon dodai intua ki Imang Eli inta kon Baḷoi doman i Tuhan, ḻimitú mako kon kaderanea kon diug in ḷoḻingkop. Takin kuyang in gina ki Hana nosambayang kon i Tuhan poḷat doman nongombaḷ mopoina-inak.